Bèk (bal-balan)

Saka Wikipédia Jawa, bauwarna bébas abasa Jawa
(Dilih saka Bèk)

Sajeroning ulah raga bal-balan, Bèk iku pamain sing posisiné ana ing mburi para gelandang lan tugasé ndhukung marang tugas Kiper kanggo nyegah supaya bal ora mlebu gawang.

Ana sawetara jinis bèk, ya iku: bèk tengah, bèk sayap (full back/wing back), lan libero (sweeper). Para bèk lumrahé awaké gedhé lan rosa, lan racaké dedegé uga dhuwur, sanadyan ana uga bèk sing dedegé cendhèk nanging suksès (racaké bèk sayap sing ora pati mbutuhaké dedeg sing dhuwur). Kabèh bèk kudu pinter main tèkel (tackle) lan perlu duwé keahlian panguwasaan bal sing cukup apik.

Para bèk racaké njaga ing paruh lapangan dhéwé. Bèk sing dhuwur kadhang maju mangarep menyang kothak penalti tim mungsuh wektu tim-é ngayahi tendhangan pojok utawa tendhangan bébas awit ana kamungkinan nyétak gol kanthi sundhulan sirah.

Sawetara bèk misuwur[besut | besut sumber]

Uga delengen[besut | besut sumber]