Atek Soedharmo

Saka Wikipédia Jawa, bauwarna mardika basa Jawa

Atek Soedharmo (lair ing Kutha Salatiga, Jawa Tengah, 30 Januari 1949; umur 75 taun) inggih punika salah satunggalipun atlit lan juru paraga filem saking Indonésia ing dasawarsa 1970-an. Namanipun sampun misuwur nalika maragakaken filem Joanna sesarengan Lidya Kandouw (1983) ingkang dipunsutradarani Wim Umboh. Sadèrèngipun nglebeti kancah perfileman, Atek Soedharmo punika atlit ing cabang bina raga lan gadhah sasana gladhèn kanggé génerasi mudha. Piyambakipun tetirah saking donyane filem ing taun 1992 awit saking ketaman cidera wekdal dados juru paraga sesarengan kaliyan Cindy Rothrock. Pungkasanipun, Advent Bangun nggantosi minangka paraga ing filem punika.[1][2][3]

Riwayat[besut | besut sumber]

Atek Soedharmo lair ing Kutha Salatiga, Jawa Tengah, tanggal 30 Januari 1949. Awit taksih nem, piyambakipun sampun ngraketi donyanipun ulahraga, utamanipun cabang bina raga. Ing griyanipun, kepara piyambakipun gadhah sasana gladhèn fitness lan angkat wesi Raga Sampurna. Ing taun 1972, Atek ngyasa klub bina raga Pancanaka ingkang wiwit kiprahipun taun 1974. Klub mau disengkuyung déning manten Wali Kutha Salatiga, John Manuel Manoppo minangka katua umum. Kajawi punika, piyambakipun ugi kiprah ing kancah perfileman, dipunpracaya maragakaken ing filem Joanna, ingkang dipunsutradarani Wim Umboh. Nalika samanten, piyambakipun dipunpacangaken kaliyan paraga wanita, Lidya Kandouw. Filem ingang mundhut gambar wonten saindhengipun Air Terjun Sekar Langit punika, nyariyosaken satunggalipun nem-neman ingkang nylametaken satungalipun kenya peranakan Walanda ingkang nyobi "minggat" saking tiyang sepuhipun. Kajawi nylametaken Joanna, Atek ugi ugi nyengkuyung para warga nglawan centheng-centheng Walanda miyos kaprigelan silatipun. Sasampunipun filem Joanna, ing taun 1985 Atek kadhapuk dados juru paraga kaliyan Lia Waroka ing filem Rambo. Taun 1992, piyambakipun tetirah saking kancah perfileman amargi ketaman cidera nalika main sesarengan Cindy Rothrock. Pungkasanipun Advent Bangun ingkang nggantosi.

Filem[besut | besut sumber]

  • Yohana
  • Pembalasan Rambu
  • Djago
  • Suromenggolo
  • Tiada Titik Balik

Rujukan[besut | besut sumber]

  1. Harian Semarang: Atek Dharmo Mantan, Bintang Film Laga, Kini Tekuni Binaraga, dijupuk 30 Maret 2017
  2. Harian7: Mantan Bintang Film Laga, Kini Tekuni Binaraga, dijupuk 30 Maret 2017
  3. WN: Joanna (1983) Lydya Kandow-Atek Soedharmo, dijupuk 30 Maret 2017