Asri Pramawati

Saka Wikipédia Jawa, bauwarna mardika basa Jawa
(Kaelih saka Asri Welas)
Asri Pramawati.
LairAsri Pramawati
(1979-03-07) Maret 7, 1979 (umur 45)
Indhonésia Yogyakarta, Indonésia

Asri Pramawati (lair ing Yogyakarta, 7 Maret 1979; umur 45 taun) ya iku aktris saka Indonésia.[1] Jenengé kondhang wiwit dadi paraga "Welas" ing sitkom Suami-suami Takut Istri.[1] Dhèwèké iku artis provesional kang isih syuting kanggo filem Suami-suami akut Istri The Movie sanajan dhèwèké lagi mbobot 8 sasi punjul rong minggu.[2] Sejatiné dhèwèké ketar-ketir manawa dhèwèké kontraksi nalika lagi syuting.[2] Dhèwèké kang wis ngira-ngira manawa bakal patang sasi nganti limang sasi dhèwèké syuting, nanging persiapan syuting molor nganti pirang-pirang wulan. Pungkasané dhèwèké syuting karo weteng kang gedhé.[2] Syuting iku ana ing Bali lan dadi filem layar lebare kang kaping pisanan.[2]

Dhèwèké kondhang ing masarakat, repot ing donya filem, lan ing donya hiburan kaya ta televisi Indonésia.[1] Awit cilik, dhèwèké remen banget ngrungokaké bapaké carita babagan carita wayang.[1] Bapaké nyaritakaké paraga-paraga wayang kaya ta Gatot Kaca. Kakangé lanang kang jenengé Indrawan nganti apal isi carita kang dicaritakaké déning bapaké mbiyen.[1] nanging dhèwèké biyasa-biyasa waé. Saka apa kang dicaritakaké déning bapaké iku, dhèwèké ngerti paraga wayang kang jenengé Batara Kala.[1] Salah sawijining karemenan saka Batara Kala ya iku mangan para bocah anaké sukerta kaya ta sendhang kapit pancuran, salah sawijining anak saka sukerta.[1] Kulawargané kang dadi masarakat Jawa iku percaya ngenani tolak bala ya iku bocah-bocah sukerta kudu diruwat.[1]

Dhèwèké iku anak pasangan Nurhayati kang asalé pancen saka Yogyakarta lan almarhum bapaké Drs. R. Djauhari Effendi kang asalé saka Palembang, uga isih duwé getih katurunan wong Jawa.[1] Saka kasil ngobrol karo para saduluré, pungkasané wong tuwané loro mutusaké kanggo nindakaké ruwatan.[1] Tujuané ya iku kanggo nolak bala uga supaya dalan urip kang dilakoni déning kulawargané lancar lan ora kesandhung-sandhung mengkoné.[1]

Nalika ana ing kelas 1 SMA Perguruan Cikini, dhèwèké nindakaké acara ruwatan.[1] Wong tuwané nanggap wayang kulit.[1] Nalika upacara, dhèwèké lan saduluré loro nganggo klambi putih-putih [1] banjur kateluné diadusi. Sawisé iku ana acara mecah endhog. Klambi kang dienggo lan rambuté uga dikelikaké.[1]

Filmografi[besut | besut sumber]

Komedia situasi[besut | besut sumber]

Film[besut | besut sumber]

Acara realitas[besut | besut sumber]

Cathetan suku[besut | besut sumber]

  1. a b c d e f g h i j k l m n o biografi Asri Pramawati Archived 2010-02-11 at the Wayback Machine. dipununduh tanggal 8 September 2011
  2. a b c d berita Asri Pramawati dipununduh tanggal 8 September 2011