Artèfak

Saka Wikipédia, bauwarna bébas basa Jawa
Artèfak jaman neolitikum ing Hourmouziadis Hall.

Artèfak inggih punika wujuding budaya ingkang awujud fisik. Langkung jangkep, artèfak utawi artifact punika arupi bendha arkéologi utawi panilaran bendha-bendha ngandhut sujarah, inggih punika sadaya bendha ingkang dipundamel utawi dipunmodhifikasi déning manungsa ingkang saged dipunpindhahaken. Conto artèfak inggih punika piranti watu, logam lan balung, gerabah, prasasti lèmpèng lan kertas, gegaman logam (anak panah, mata panah, lsp), terracotta lan sungu kéwan. Barang ingkang ngandhut sujarah punika wigatos sanget kanggé dipunsèlèhaken ing muséum saéngga sadaya tiyang saged mirsani lan nyinaoni.

Artèfak salebetipun arkéologi ngandhut pangertosan bendha (utawi bahan alam) ingkang cetha dipundamel déning (tangan) manungsa utawi cetha ngatingalaken (observable) wontenipun tipak-tipak damelan manungsa ing pundi (sanès bendha alamiah kémawon) lumantar tèknologi pangirangan utawi ugi tèknologi panambahan dhumateng bendha alam kasebat. Ciri wigatos salebetipun konsèp artèfak inggih punika bilih bendha punika saged obah utawi saged dipunpindhahaken (movable) déning tangan manungsa kanthi gampil (rélatif) tanpa ngrisak utawi ngancuraken wangunipun.

Pranala njawi[besut | besut sumber]

Logo Wikimedia Commons
Pirsani galeri bab Artèfak ing Wikimedia Commons.


Sumber artikel punika saking kaca situs web: "https://jv.wikipedia.org/w/index.php?title=Artèfak&oldid=1060787"