Artéfak

Saka Wikipédia Jawa, bauwarna mardika basa Jawa
Artèfak jaman neolitikum ing Hourmouziadis Hall.

Artéfak inggih punika wujuding budaya ingkang awujud fisik. Langkung jangkep, artéfak utawi artifact ing cara Inggris punika wujud bendha arkéologi utawi panilaran bendha-bendha ngandhut sujarah, inggih punika sadaya bendha ingkang dipundamel utawi dipunmodhifikasi déning manungsa ingkang saged dipunpindhahaken. Conto artéfak inggih punika piranti watu, logam lan balung, gerabah, prasasti lèmpèng lan kertas, gegaman logam (anak panah, mata panah, lsp), terracotta lan sungu kéwan. Barang ingkang ngandhut sujarah punika wigatos sanget kanggé dipunsèlèhaken ing musiyum saéngga sadaya tiyang saged mirsani lan nyinaoni.

Artéfak salebetipun arkéologi ngandhut pangertosan bendha (utawi bahan alam) ingkang cetha dipundamel déning (tangan) manungsa utawi cetha ngatingalaken (observable) wontenipun tipak-tipak damelan manungsa ing pundi (sanès bendha alamiah kémawon) lumantar tèknologi pangirangan utawi ugi tèknologi panambahan dhumateng bendha alam wau. Ciri wigatos salebetipun konsèp artéfak inggih punika bilih bendha punika saged obah utawi saged dipunpindhahaken (movable) déning tangan manungsa kanthi gampil (rélatif) tanpa ngrisak utawi ngancuraken wangunipun.

Pranala njawi[besut | besut sumber]