Aorta

Saka Wikipédia Jawa, bauwarna bébas abasa Jawa
Arteri thoracica, jantung, lan pambuluh getih gedhé liyané

Aorta iku arteri gedhé dhéwé ing awaké manungsa. Sumberé saka bilik kiwa jantung lan nggawa getih sing ngandhut oksigen nuju kabèh pérangan awak ing parédharan sistemik.

Jalur aorta[besut | besut sumber]

Pérangan awal aorta, aorta munggah, muncul metu saka ventrikel kiwa, sing diasingaké déning katup aorta. Kaloro arteri coronaria jantung cawang saka pangkal aorta, ing nduwur katup aorta.

Aorta banjur mlengkung balik ngililingi arteri pulmonalis. Telung pambuluh getih muncul metu saka arcus aortae iki, ya iku arteri brachiocephalica, arteri carotis communis sinistra, lan arteri subclavia sinistra. Pambuluh-pambuluh iki masok getih nuju sirah lan pérangan lengen.

Aorta banjur mudhun ing awak. Pérangan ndhuwur diafragma (ing dhadha) disebut aorta pars thoracalis lan pérangan ngisor diafragma (ing abdomen) disebut aorta pars abdominalis.

Nalika obah mudhun, dhindhing posterior abdomen, aorta abdomen ngédhar ing kiwa vena cava inferior, cawang-cawang dadi saluran getih utama ing weteng lan usus, lan uga ginjal. Ana akèh wangun cawang sing bisa dimengertèni ing vaskulatur sistem pancernan. Wangun sing paling umum ya iku cawang aorta mbentuk truncus celiacus, arteri mesenterica superior, lan uga arteri mesenterica inferior. Arteri renalis racaké cawang saka aorta abdominalis ing antaraé truncus celiacus lan arteri mesenterica superior.

Pucuké aorta cawang 2, ya iku arteri iliaca communis sinistra lan arteri iliaca communis dextra kanggo masok getih nuju anggota awak pérangan ngisor lan pelvis.

Ciri-ciri[besut | besut sumber]

Aorta iku arteri kenyal, lan mila bisa ngembang sithik. Yèn ventrikel kiwa kontraksi kanggo meksa getih mili nuju aorta, aorta ngembang. Regangan iki mènèhi ènergi potensial sing bakal mbiyantu mertahanké tekanan getih nalika diastole, amarga ing wektu iku, aorta bakal kontraksi kanthi pasif.

Lelara[besut | besut sumber]

An opened aorta.jpg