Andity
| Andity | |
|---|---|
 | |
| Latar wuri | |
| Jeneng lair | Andi Arfianty |
| Jeneng liya | Andity |
| Lair | Novèmber 20, 1981 Jakarta, Indonésia
|
| Taun aktif | 2007-saiki |
Andi Arfianty ing masarakat kondhang karo jeneng Andity (lair ing Jakarta, 20 Novèmber 1981; umur 42 taun) ya iku penyanyi saka Indonésia.[1] Wanita kang pagawéyané dadi penyanyi iki asring nggawakaké tembangan kang alirané pop.[1] Andity ditepungaké marang donya hiburan déning musisi lan komposer kondhang, ya iku Yovie Widianto.[1]
Ing taun 2007, donya hiburan ing Indonésia tambah ramé amarga ana biduan anyaran kang ditepungaké déning Yovie Widianto.[2] Penyanyi mau ya iku Andity kang ngluncuraké album kaping pisan ing Hard Rock Cafe.[2] Ing album kang isiné 11 tembangan iku nganggo genre pop modhèren.[2]
Andity wis ngrilis albumé kang kaping pisanané.[1] Judhul albumé kang kaping pisanan iku Béda, dirilis nalika taun 2007.[1] Album kang isiné sewelas tembangan iku ngandelaké tembangan kang judhulé Semenjak Ada Dirimu.[1]
Anannging ana kang béda saka album mau, Béda, lan tembangan kang judhulé Merenda Kasih iku lagu daur ulang kang tau kondhang ing jamané biyèn, nalika ditembangaké déning Ruth Sahanaya. Tetembangan iku mau kapilih dadi tembangan téma ing sinétron kang judhulé Ruang Hati, filem sinétron kang diprodhuksi déning Multivision Plus kang ditayangaké kanthi cara bebarengan ing telung nagara, ya iku nagara Indonésia, Malaysia lan Singapura. Film sinétron iku wiwit diputer ing sasi Juni nganti sasi September ing taun 2007.[1]
Sadurungé njegur ing donya musik kanthi cara solo, ing taun 2002 Andity tau dadi pandhukung ing acara Elfa's Jazz and Pop Choir lan olèh bebungah medhali pérak ing ajang bergengsi '2nd World Olympic Choir 2002' acara kang dileksananaké ing kutha Busan, Koréa Kidul.[1]
Diskografi
[besut | besut sumber]Diskografi déning Andity:
- Béda (2007)
Cathetan sikil
[besut | besut sumber]
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |