Amazing Grace (filem 2006)

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Amazing Grace
Amazinggraceposter.jpg
Theatrical release poster
DisutradaraniMichael Apted
Diprodhuseri
Ditulis déningSteven Knight
Dibintangi
DimusikiDavid Arnold
SinématografiRemi Adefarasin
Dibesut déningRick Shaine
Perusahaan
prodhuksi
Dibabar déning
Tanggal metu
  • 16 Sèptèmber 2006 (2006-09-16) (TIFF)
  • 23 Fèbruari 2007 (2007-02-23) (US)
  • 23 Maret 2007 (2007-03-23) (Inggris)
Suwéné
118 menit
NagaraInggris
Amérikah Sarékat
BasaBasa Inggris
RantamanUS$29,000,000
KalarisanUS$32,120,360[1]

Amazing Grace inggih punika filem sandhiwara biografi saking Inggris-Amérikah Sarékat ingkang kadamel taun 2006. Filem punika dipunsutradarani Michael Apted, dhedhasar skénario anggitanipun Steven Knighht, nyariyosaken babagan kampanye nglawan dol-tinumbas batur tukon ing Kraton Inggris ingkang dipunpandhégani déning William Wilberforce, ingkang tanggel jawab lairipun angger-angger batur tukon miyos Parlemen Inggris. Sesirah punika kapundhut saking hymne Amazing Grace. Filem punika ugi nyariyosaken lelakonipun John Newton salah satunggalipun awak kapal ingkang ngangkud para buruh, ingkang mboten dangu salajengipun sami ngalih kapracayanipun, nuwuhaken panggayuh nyerat geguritan ingkang lajeng kadadosaken minangka lagu hymne. Newton digambaraken gadhah wibawa ageng ing Wilberforce.

Filem punika, kaping pisan dipuntepangaken surya 16 Sèptèmber 2006 lumantar pahargyan Toronto International Film Festival, lajeng panggiyaran wonten Heartland Film Festival, Santa Barbara International Film Festival, lan European Film Market, sadèrèngipun kababar sesarengan kanggé sagung para pamirsa ing Amérikah Sarékat, surya 23 Fèbruari 2007,[1] ngengingi pèngetan kalih atus taun Parlemen Inggris ingkang mboten mikantukaken dol-tinuku buruh.

Ingkang maragani[besut | besut sumber]

Latar wingking[besut | besut sumber]

Pamundhutan gambar filem punika dicakaken Hull, Yorkshire wulan Oktober 2005.[2] Ing wulan Januari 2006, jejer ing Gedung Parlemen kapundhut gambaripun wonten The 1743 Church kaliyan Chatham Historic Dockyard. Jejer pahargyan dhaup kapundhut ing Gréja Garsington.[3] Sapérang papan panggènan ingkang ugi kaginakaken antawisipun Greenwich Hospital, sapunika nyawiji kaliyan Universitas Greenwich lan saindhengipun Salisbury, Wiltshire. Jeanney Kim, sesarengan Mark Cooper dipunpracaya ngampingi juru damel utama,Terrence Malick (The Thin Red Line) lan Ed Pressman ing wewengkonipun Sunflower Productions, Patricia Heaton lan David Hunt kanggé FourBoys Films, lan Ken Wales.[4]

Amazing Grace kasil ngempalaken arta $4 yuta, jumbuh ingkang kacathet déning box office nalika panggiyaran dinten Setu dalu, surya 23 dumugi 25 Fèbruari 2007, lan ngancik wonten urutan kaping sedasa, filem kanthi kasil paling inggil, nglangkungi filem The Astronaut Farmer lan The Number 23. Filem punika, ing Amérikah Sarékat kasil ngempalaken arta $21,250,683 dumugi surya 14 Juni 2007. Wondéné gunggung kasilipun sadonya 32,050,774 dumugi surya 26 Agustus 2007.[1]

Amazing Grace nampi pangalembana saking sagung pamirsa lan juru kritik. Rotten Tomatoes maringi biji 70% dhedhasar pratélanipun 122 juru kritik, 85 tiyang saèstu remen.[5] Semanten ugi Metacritic ingkang maringi biji 65 saking 100, dhedhasar pratélanipun 29 juru kritik, mratandhani bilih filem punika dipunremeni.[6][7][8]

Bebungah[besut | besut sumber]

Musik[besut | besut sumber]

Ugi pirsani[besut | besut sumber]

Rujukan[besut | besut sumber]

  1. a b c "Amazing Grace (2007)". Box Office Mojo. 6 August 2011. Dijupuk 2014-02-08. 
  2. Full details of the filming can be found at Gloucester Docks and the Sharpness Canal website – Filming "Amazing Grace" and details of the ships used at Square Sail on the Canal.
  3. "St Mary, Garsington". A Church Near You. Archbishops' Council. Dijupuk 1 July 2010. 
  4. "Film Overview". Bristol Bay Productions. Dijupuk 9 March 2016. 
  5. "Amazing Grace (2007)". Rotten Tomatoes. Flixster. 
  6. "Amazing Grace". Metacritic. Dijupuk 10 August 2015. 
  7. Philip French (22 September 2007). "Amazing Grace". Observer. Diarsip saka sing asli ing 2014-02-08. 
  8. Wally Hammond (23 March 2007). "Amazing Grace". Time Out. Diarsip saka sing asli ing 2014-02-08. 
  9. "'Amazing Grace'". Beliefnet. Dijupuk 6 March 2015. 

Pranala njawi[besut | besut sumber]