Alena

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Alena
Caroline Gunawan.jpg
LairCaroline Gunawan
PakaryanPenyanyi
Presenter
Taun aktif1994 - saiki
BojoPopo Fauza
Wong tuwaGuntur & Maria Gunawan
Sana jaringanwww.alenamusic.com

Caroline Gunawan kondhang ing masarakat kanthi jeneng Alena (lair ing Malang, Jawa Wétan, 9 Novèmber 1981; umur 37 taun) ya iku penyanyi saka Indonésia.[1] Dhèwèké kondhang ing masarakat amarga dadi jawara kaping pisanan lan olèh Gold Medal nalika mèlu Olimpiade Paduan Suara nalika taun 2000 ing Linz, Austria bebarengan karo Elfa`s Choir.[1]

Kenya ayu kang uga duwé jeneng Wu Hui-li iki uga tau anggawa acara Oriental Night, ya iku program musik kang nganggo basa Mandarin kang ditayangaké ing stasiun tivi ANTV.[1]

Kamampuané ing basa Mandarin, agawé dhèwèké tau ngerilis album kang diwènèhi judhul Seindah Diriku, dhèwèké nempataké tembangan kang basané Mandarin, judhulé Lavender dadi tetembangan unggulané.[1] Tetembangan kang dirilis nalika taun 2008 iku, ditujukaké kanggo pangsa pasar Mandarin, kang sadurungé dhèwèké wis kondhang ing kana.[1]

Nalika taun 2009, Alena kang tau nembangaké lagu Terlanjur Memilih Dia iki kapilih dadi Duta Bathik Puring.[1] Dhèwèké kapilih dadi ikon Bathik Puring amarga dhèwèké dianggep duwé kawigatèn marang donya fashion kang bisa nunjang panampilané.[1]

Ing sasi Juli taun 2011, sanajan dhèwèké ora olèh bebungah ing ajang MNC Lifestyle Award taun 2011, nanging dhèwèké ngakoni manawa dhèwèké seneng bisa nembus nominasi MNC Lifestyle Award, Kategori Sosial kanggo babagan pendhidhikan.[2] Bebungah MNC Lifestyle Award taun 2011 dimenangaké déning Yessy Gusman, Alena mung tekan ing babak nominasi.[2] anaging, sanajan mangkono, artis kang nalika iku teka bebarengan karo garwané iku ora nargètaké manawa bakal menang.[2] Dhèwèké wis cukup seneng bisa tekan ing babak nominasi.[2]

Alena iku artis kang duwé yayasan pendhidhikan kanggo bocah-bocah saka dalanan, dhèwèké wis ngrasa diurmati amarga apa kang ditampa déning dhèwèké.[2] Saka kana, dhèwèké katon sosialis. Alena duwé sekolah kanggo para bocah-bocah ora mampu, sekolah mau jenengé Alena Sahabat Anak (ASA).[2] Sekolah kang dadi papan bimbingan sinau iku manggon ing tlatah Senèn, kepeneran cedhak karo bocah-bocah dalan.[2] Ora mung bocah-bocah dalanan mau kang seneng mèlun sinau.[2] Sekolah kang dikelola déning Alena pancèn mbébasaké anak dhidhiké saka béya pendhidhikan.[2] Ing sekolah mau, siswa didhidhik saka nol.[2] Akèh-akèhé pasinaonan kang diwulangaké iku matématika lan basa Inggris.[2]

Prestasi lan bebungah[besut | besut sumber]

Taun Acara Asil
2000 Final Asia Bagus Malaysia Grand Champion
2000 Choir Olimpiade LINZ-Austria karo Elfa's Singers Medali Emas
2003 MTV Award 2003 Dinominasikaké minangka "Most Promissing Newcommer"
2008 Timeplace Award Talented Artist

Cathetan sikil[besut | besut sumber]

  1. a b c d e f g [Biografi Caroline Gunawan] diundhuh tanggal 3 September 2011
  2. a b c d e f g h i j k berita caroline gunawan diundhuh tanggal 3 September 2011