Albrecht Dürer

Saka Wikipédia Jawa, bauwarna bébas abasa Jawa
Potrèk dhiriné Albrecht Dürer

Albrecht Dürer (21 Mèi 1471 – 6 April 1528) iku sawijining pelukis saka Jerman, juru pahat lan ahli matematika.[1][2]

Dhèwèké lair lan tinggal donya ana ing Nuremberg, Jerman, lan lan kondhang awit dadi sing nggawé karya cithak kuna. Cithakané asringé digawé ana séri, dadi ana sawenèh cithakan sing béda-béda ngenani bab sing padha. Séri sing paling kondhang ya iku Apocalypse (1498) sarta rong séri sing digawé dhèwèké bab carita sangsaraning Kristus, the Great Passion (1498–1510) lan the Little Passion (1510–1511).

Pahatané Dürer sing paling moncèr (ya iku sing dudu péranganing sériné) kalebu Knight, Death, and the Devil (1513), Saint Jerome in his Study (1514) lan Melencolia I (1514). Lingir-lingiré sing paling ikonis iku karya-karya pahatan kayuné, ya iku Four Horsemen of the Apocalypse (1497–1498) saka séri Apocalypse, the Rhinoceros, lan sawenèh potrèk dhiri ing lukisan cèt ményak. Dürer bokmenawa ora mahat dhéwé karya-karyané sing saka kayu, nanging nganggo jasaning pandhé pahat sing nggarap gambar-gambaré kanthi titi.[3] Dhèwèké nggawé sawenèh lukisan cèt ményak bab agama, uga nggawé lukisan cèt banyu sarta sawenèh gambar, sing mawa reprodhuksi modéren saiki dadi karyané sing paling moncèr.

Karya cithaké Dürer kasil nggawé dhèwèké kondhang ing saindenge Éropah, lan akèh wong sing kandha yèn dhèwèké iku seniman sing paling mandra ing Renaisans lan ing Éropah Lor.

Kauripané sing kawitan[besut | besut sumber]

Lukisan Self-Portrait (1493) déning Albrecht Dürer, cèt mènyak, asliné ana ing Musiyum Louvre, Paris
Pahatané Dürer ya sing awujud Lambang Nagarané.

Dürer anak katelu lan anak lanang kaloro ing kulawargané, sing nduwé udakara patbelas nganti wolulas anak. Bapaké iku sawijiné pandhé emas sing suksès ing Ajtós, sacedhaké Gyula ing Hongaria.

Kaki amongé Dürer iku Anton Koberger, sing mandheg dadi pandhé emas saperlu dadi juru cithak lan juru babar ing taun nalika Dürer lair. Dhèwèké nuli dadi juru babar sing paling kasil ana ing Jerman, lan nduwé rong puluh papat mesin pangecap sarta kantor ing Jerman lan ing paran . Karya sing paling moncèr dibabar iku Nuremberg Chronicle, sing dibabar taun 1493 ing basa Jerman lan basa Latin. Ana udakara 1.809 gambar pahatan kayu déning bingkil Wolgemut. Bokmenawa Dürer uga uwis tau nggarap sawenèh karya-karya iki, amarga proyèk kuwi wiwit nalika dhèwèké isih ana ing Wolgemut.[3]

Dürer sinau carané dadi pandhé emas karo nggambar saka bapaké. Bapaké péngin dhèwèké nerusaké gladhiné dadi pandhé emas, anging dhèwèké luwih apik ing bab nggambar saèngga dhèwèké nuli maguru marang Michael Wolgemut nalika dhèwèké umur limalas taun ing 1486. Sawijining potrèk dhiri, gambaran mawa silverpoint, ing taun 1484 (Albertina, Wina). Wolgemut iku sawijining seniman sing kondhang ing Nuremberg nalika kuwi, lan dhèwèké uga nduwé sanggar sing gedhé sing nggawé karya seni manèka warna wujudé, kususé pahatan kayu kanggo buku-buku. Nuremberg iku sawijining kutha sing sugih, sèntralé panerbitan lan padagangan barang-barang méwah. Nuremberg nduwé gegayutan marang Italia, mliginé Venesia, sing lumayan cedhak ing sabrangé Alpen.[3]

Wacanen uga[besut | besut sumber]

Pranala njaba[besut | besut sumber]

Wikisource
Wikisource basa Inggris ndarbeni kaca perkawis

Rujukan[besut | besut sumber]

  1. ^ The title of this article contains the character ü.
  2. ^ Mueller, Peter O. 1993.
  3. ^ a b c Giulia Bartrum 2002.