Soe Hok Gie

Artikel pelatihan Papat Limpad 2012 punika perlu dipunrapèkaken supados miturut dhumateng standhar Wikipédia (11 September 2012) Ngrapèkaken artikel saged arupi mérang artikel ing paragraf utawi, Wikifikasi Artikel, maringi kategori, gambar, pranala interwiki, tandha diakritik lan ndandosi basa ingkang taksih campuran (krama/ngoko lan basa ngamanca). Saksampunipun dipunrapèkaken, nyuwun supados panitya utawi pangurus busek pesen punika.(Peserta pelatihan boten kénging mbusek pesen punika).

Soe Hok Gie
Soe Hok Gie ing Pucuk Pangrango, 1967
Lair	17 Desember 1942 Jakarta, Indonesia
Pati	16 Desember 1969 (umur 26) Semeru, Jawa Timur, Indonesia
Pasaréyan	Jakarta, Indonesia 6°10′19″S 106°49′09″E
Kabangsan	Indonesia
Ethnicity	Tionghoa Indonesia
Alma mater	Universitas Indonesia , Kolese Kanisius
Karya-karya wigati	Soe Hok Gie: Catatan Seorang Demonstran, Soe Hok Gie Sekali Lagi, Orang-Orang di Persimpangan Jalan, Di Bawah Lentera Merah
Agama	Katolik
Tiyang sepuh	Salam Sutrawan (Soe Lie Piet) (ayah)
Kulawarga	Arief Budiman (Soe Hok Djin) (kakak)

Soe Hok Gie
Traditional Chinese:	蘇福義
Simplified Chinese:	苏福义
Transliterations Mandarin - Hanyu Pinyin: Sū Fúyì - Wade-Giles: Su Fu-i

Soe Hok Gie (lair ing Jakarta, 17 Desember 1942 – tilar donya ing Gunung Semeru, 16 Desember 1969 nalika umur 26 taun) iku salah sawijining aktivis Indonesia, mahasiswa Fakultas Sastra Universitas Indonesia Jurusan Sejarah taun 1962–1969, demonstran, pênulis, lan anggota MAPALA UI. Jênêng Soe Hok Gie kuwi dialèk Hokkian saka jeneng Su Fu-yi ing basa Mandarin (Hanzi: 蘇福義). Leluhuré Soe Hok Gie asalé saka provinsi Hainan, Republik Rakyat Cina. Dhèwèké kondhang amarga srêgêp nulis ing manéka mèdia massa lan buku cathêtan padinané ditêrbitaké dadi buku.

Pêndhidhikan

Dilairaké saka kulawarga Tionghoa Indonesia, duwé bapak tukang nulis novèl. Mula kuwi wiwit cilik wis cêdhak karo sastra, jagad tulis, lan buku. Tuladhané nalika isih Sêkolah Dasar dhéweké wis maca karya-karya sastra abot kaya karangané Pramoedya Ananta Toer. Nalika SD dhèwèké tunggal sêkolahan karo kangmasé, Soe Hok Djie (Arief Budiman). Nalika SMP dhèwèké nêrusaké ing SMP Strada, kangmasé ing Kanisius. Soe Hok Gie banjur nêrusaké pêndhidhikan SMA ing Kolese Kanisius jurusan Sastra. Ing jurusan iki dhèwèké wiwit kenal lan sênêng ngélmu Sejarah. Saka kuwi uga dhèwèké kenal politik. Sawisé lulus SMA, dhèwèké nerusaké mênyang Universitas Indonesia jurusan Sejarah.

Urip Padinan

Soe Hok Gie kalêbu wong kang sênêng maca. Nalika SD wis maca tulisan-tulisané Pramoedya Ananta Toer, nalika umur 14 wis maca tulisané Mahatma Gandhi lan Rabindranath Tagore. Dhèwèké uga sênêng nulis. Sabên dina dhèwèké nulis ing buku cathêtan padinan, saliyané kuwi dhèwèké kêrêp nulis artikel ing kalawarti lan koran. Amarga tulisan-tulisané, dhèwèké uga kondhang dadi salah sawijining aktivis mahasiswa taun 1965.

Karyane

Geguritan

Soe Hok Gie uga sêneng nganggit gêguritan. Gêguritan karyané kasêbar ing kalawarti, koran, lan buku cathêtan padinané. Gêguritan karyané yaiku:

• Mandalawangi – Pangrango. Kasêrat taun 1966.
• Sebuah Tanya. Kasêrat taun 1969.
• Pesan. Kasêrat taun 1973.

Saliyane gêguritan ing dhuwur isih ana gêguritan liyané sing ora ana irah-irahané.

Buku

• Orang-Orang di Persimpangan Kiri Jalan

Buku iki diterbitake Yayasan Bentang taun 1997 saka skripsi S1ne babagan pemberontakan PKI Madiun.

• Di Bawah Lentera Merah

Buku iki diterbitake Yayasan Bentang taun 1999 saka skripsi sarjana mudane babagan Sarekat Islam Semarang.

Artikel

Soe Hok Gie kerep nulis artikel ing koran-koran nasional, kayata Kompas, Harian Kami, Sinar Harapan, Mahasiswa Indonesia, dan Indonesia Raya. Artikel-artikel kuwi nalika taun 2005 diterbitake dadi buku dening Gagas Media kanthi irah-irahan Zaman Peralihan

Karya Babagan Gie

Film

Soe Hok Gie ora nggawe film, nanging ana film sing nyritakake Soe Hok Gie, irah-irahane Gie. Film iki karangane Riri Riza nalika taun 2005 kanthi Nicholas Saputra sing dadi tokoh utamane.

Buku

• John Maxwell nulis buku biografi Soe Hok Gie kanthi judhul Soe Hok Gie - A Biography of A Young Indonesian Intellectual (Australian National University, 1997).
• Soe Hok Gie: Catatan Seorang Demonstran

Buku iki diterbitake LP3ES taun 2005 saka cathetan padinane.

• Soe Hok-Gie...Sekali Lagi: Buku Pesta dan Cinta di Alam Bangsanya

Karyane Rudy Badil, Luki Sutrisno Bekti, lan Nessy Luntungan R. Diterbitake Kepustakaan Populer Gramedia (KPG) nalika taun 2009.

Pranala njaba

• (id) Kenangan Kepada Seorang Demonstran Soe Hok Gie
• (id) Lahirnya Seorang Demonstran
• (id) Soe Hok Gie
• (id) Resensi buku Soe Hok Gie oleh Arief Budiman
• (id) Soe Hok-Gie ...Sekali Lagi