Sabun

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sabun batangan

Sabun kuwi salah siji senyawa kimia paling tuwa sing tau dikenal.[1] Sabun kuwi ora kanthi aktual ditemokaké, nanging saka usaha ngembangaké campuran senyawa alkali lan lemak utawa lenga.[1] Sabun kuwi ''surfaktan'' sing digunakaké kanggo umbah-umbah utawa ngresiki lan digunakaké kanthi pitulungan banyu.[2] Sabun kuwi diasilaké saka proses saponifikasi, yaiku proses hidrolis lemak dadi asam lemak lan gliserol ing kahanan basa.[2] Bahan sing biyasané digunakaké yaiku ''NaOH'' (natrium/sodium hidroksida) lan ''KOH'' (kalium/potasium hidroksida).[2] Asam lemak sing sesambungan karo natrium utawa kalium iki sing dijenengaké sabun.[2]

Jinis-jenis Sabun[sunting | sunting sumber]

Jenis-jenis sabun yakuwi:[3]

  1. ''Toilet soap''
  2. ''Bar soap''
  3. ''Industrial soap'', kaperang dadi macem-macem jenis sabun, kayata
  • sabun régular
  • sabun sing akéh banget lemaké
  • sabun busa
  • sabun kanggo air keras

Tujuan Nggunakaké Sabun[sunting | sunting sumber]

Ana pirang-pirang perkara sing dikarepaké bisa ditangani kanthi nggunakaké sabun, kayata ngangkat sél-sél kulit mati, sisa keringet, lebu, sarta lenga sing nutup kulit[4] Nanging ing jaman sing saya maju iki, tujuan nggunakaké sabun ora mung mandheg ing bab kuwi.[4] Supaya nambah kawigatén, mangka ditambahake bahan-bahan tartamtu kayata wewangén, werna, lan bahan-bahan liya sing bisa kanggo terapi penyakit.[4]

Sabun Alami[sunting | sunting sumber]

Saliyané manfaat sing ditawakaké, sabun uga duweni bab-bab sing prelu digatekaké supaya sabun ora dadi racun kanggo awak.[4] Kuwi merga sabun akeh migunakaké bahan=bahan kimia.[4] Kanggo ngatasi perkara kuwi mangka saiki dikembangaké sabun alami.[4]

Gambar setara babagan kimia natrium stearat.

Bahan baku sabun alami bisa saka rempah-rempah, janganan, lan woh-wohan kayata pang, lan gegodhongan kang ana ing alam sakubenge, kang utama bisa dimupangatake kang utawa wit pari utawa kanthi jeneng merang,[5]

  1. Anggur: nglarutaké lemak lan nglangsingké awak.
  2. Alpukat: marakaké lembab lan nyegah kerut-kerut kulit.
  3. Lulur: ngresiki, nyegeraké, lan marakaké wangi awak.
  4. Susu: mutihaké,nglembabaké kulit,nyegah flek-flek ireng, lan ngurangi pecah-pecak ing sikil.
  5. Pegagan: nyegah lan ngurangi selulit.
  6. Apel: nyegah kerut lan komedo.
  7. Bengkoang: ngaluské lan mutihaké kulit.
  8. Ketimun: gawé kenceng lan gurangi kadar lenga ing kulit.
  9. Cokelat: ngangkat sel kulit mati.
  10. Kopi: marasake tilas borok.
  11. Zaitun: nglembutaké lan nglembabaké kulit.
  12. Madu: ngenomké kulit lan ngilangake flek.
  13. Kunyit: ngilangi gatel,jamur, lan rang.
  14. Sirih: nyegeraké lan ngilangi ambu apek awak.
  15. Sereh: ngilangi pegel,kesel, lan rematik.
  16. Strawberry: ngencengaké otot lan payudara.
  17. Limau: nghilangi kukul lan ngaluské rai.
  18. Teh ijo: gawé kulit katon seger.
  19. Lengkuas: ngilangi panu lan jamur kulit.
  20. Kemangi: ngrumat lan ngarumaké organ vital.
  21. Wortel: nyegah kanker kulit.
Commons-logo.svg
Wikimedia Commons gadhah galeri bab:

Cathetan Suku[sunting | sunting sumber]

  1. ^ a b majarimagazine(kaunduh tanggal 20 April 2011)
  2. ^ a b c d lita.inirumahku.com(kaunduh tanggal 20 April 2011)
  3. ^ kuliah.wikidot.com(kaunduh tanggal 20 April 2011)
  4. ^ a b c d e f [1](kaunduh tanggal 20 April 2011)
  5. ^ [2](kaunduh tanggal 20 April 2011)
Sumber artikel punika saking kaca situs web: "http://jv.wikipedia.org/w/index.php?title=Sabun&oldid=829926"