Pudhing

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pudhing Natal
Pudhing pelem

Pudhing yaiku jeneng kanggo werna-werna hidhangan panutup kang umumé digawé saka bahan-bahan kang digodhog, dikukus, utawa dipanggang.[1] Istilah pudhing uga dianggo ing werna-werna jinis pai kang isiné lemak kéwan, daging, utawa woh-wohan kang dipanggang.[1]

Pudhing kang bahan dhasaré susu (yogurt), glepung maizéna, tapioka, utawa endhog kang dipangan kanthi diademaké dhisik.[1] Pudhing kaya ngéné iki rasané legi kanthi bahan campuran kayata coklat, karamél, vanila, utawa woh-wohan.[1] Pudhing ager-ager digawe kanthi myampuraké ager-ager karo susu, glepung maizena, utawa endhog kang dikocok.[1] Pudhing ager-ager kerep dipangan karo saos. Saos pudhing iki diarani vla. Tepung puding instan luwih gampang nalika digawe pudhing awit mung dicampur karo susu utawa banyu panas lan dijarké nganti adhem lan kenyal.[1] Ing Indonésia ana werna-werna pudhing kang rasané tradhisional. [1]Pudhing iki biyasané nggunakaké klapa nom, gula abang, tapè, ketang ireng, utawa campuran godhong suji lan godhong pandhan.[1] Woh-wohan kang dianggo nggawé pudhing kayata jeruk, nanas, sirsak, mangga, utawa markisa.[1]

Asal-usul[sunting | sunting sumber]

Pudhing asalé saka bahasa Perancis, boudin kang tegesé "sosis darah", saka bahasa Latin, botellus kang tegesé "sosis cilik". Istilah pudding digunakake Èropa abad pertengahan kanggo jinis hidhangan kang digawé saka daging kang dibungkus.[2] Ora kabéh pudhing rasané legi.[2] Kayata suet pudding (puding lemak) yaiku jinis pudhing kang isiné daging sapi kang dibungkus adonan pai saka trigu kang dicampur lemak wedhus gibas utawa lemak sapi.[2]

Ing Britania Raya, istilah pudding kerep digunakaké kanggo hidhangan panutup kang digawé saka endhog lan glepung kang dimasak kanthi cara dikukus, digodhog utawa dipanggang.[2]

Chatetan suku[sunting | sunting sumber]

  1. ^ a b c d e f g h i (id)wartakota.co.id(dipunundhuh tanggal 29 Juni 2011)
  2. ^ a b c d (en) Sejarah puding foodtimeline.org(dipunundhuh tanggal 29 Juni 2011)

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

h

Sumber artikel punika saking kaca situs web: "http://jv.wikipedia.org/w/index.php?title=Pudhing&oldid=830726"