Pendhidhikan ing Indonésia

Pendhidhikan ing Indonésia iku sakabèhané pendhidhikan sing diselenggaraké ing Indonésia, sacara kastruktur utawa ora. Sacara kastruktur, pendhidhikan ing Indonésia dadi tanggung jawab Kamentrian Pendhidhikan Nasional Republik Indonésia (Kemdiknas), biyèn jenengé Departemen Pendhidhikan lan Kabudayan Republik Indonésia (Depdikbud). Ing Indonésia, kabèh pedunung wajib mèlu program wajib sinau pendhidhikan dhasar sajroning sangang taun, enem taun ing sekolah dhasar/madrasah ibtidaiyah lan telung taun ing sekolah menengah pertama/madrasah tsanawiyah. Saiki, pendhidhikan ing Indonésia diatur liwat Undhang-Undhang Nomer 20 Taun 2003 ngenani Sistem Pendhidhikan Nasional.

Pendhidhikan ing Indonésia kapérang jroning telung jalur utama, ya iku formal, nonformal, lan informal. Pendhidhikan uga dipérang djroning patang jenjang, ya iku anak usia dini, dhasar, menengah, lan dhuwur.

Sajarah

Walanda ngenalaké sistem pendhidhikan formal marang pedunung Hindhia-Walanda (cikal bakal Indonésia), senajan winates mung tumrap kalangan tinamtu. Sistem sing dikenalaké iku amèh padha karo struktur sing ana saiki, kanthi tataran ing ngisor iki:

• Europeesche Lagere School (ELS), sekolah dhasar kanggo wong Éropah
• Hollandsch-Inlandsche School (HIS), sekolah dhasar kanggo pribumi
• Meer Uitgebreid Lager Onderwijs (MULO), sekolah menengah pertama
• Algemeene Middelbare School (AMS), sekolah menengah atas

Wiwit taun 1930-an, Walanda ngenalaké pendhidhikan formal winates kanggo provinsi-provinsi ing Hindhia Walanda.

Jenjang

Jenjang pendhidhikan iku arupa tahapan pendhidhikan sing ditetepaké adhedhasar tingkat perkembangan peserta dhidhik, tujuan sing arep digayuh, lan kamampuan sing dikembangaké.

Pendhidhikan anak usia dini

Ngacu marang Undhang-undhang Nomer 20 Taun 2003, Pasal 1 Butir 14 ngenani Sistem Pendhidhikan Nasional, Pendhidhikan anak usia dini (PAUD) iku sawijining upaya pembinaan sing ditujokaké marang bocahwiwit lair nganti umur enem taun liwat pawèwèh rangsangan pendhidhikan kanggo mbantu tuwuh lan kembangé jasmani lan rohani supaya bocah nduwèni kesiapan nalika mlebu ing pendhidhikan sabanjuré.

Pendhidhikan dhasar

Pendhidhikan dhasar minangka jenjang pendhidhikan wiwitan sajroning 9 (sangang) taun pisanan mangsa sekolah bocah-bocah sing dadi landhesan jenjang pendhidhikan menengah.

Pendhidhikan menengah

Pendhidhikan menengah minangka jenjang pendhidhikan lanjutan pendhidhikan dhasar.

Pendhidhikan dhuwur

Pendhidhikan dhuwur iku jenjang pendhidhikan sawisé pendhidhikan menengah sing nyakup program pendhidhikan diploma, sarjana, magister, dhoktor, lan spésialis sing diselenggarakaké déning pawiyatan luhur.

Klas	Umur
Taman kanak-kanak
Klompok bermain	4
Klompok A	5
Klompok B	6
Sekolah dhasar
Klas 1	7
Klas 2	8
Klas 3	9
Klas 4	10
Klas 5	11
Klas 6	12
Sekolah menengah pertama
Klas 7	13
Klas 8	14
Klas 9	15
Sekolah menengah atas/kejuruan
Klas 10	16
Klas 11	17
Klas 12	18
Akadhemi/Institut/Politèknik/Sekolah dhuwur/Universitas
Sarjana	manéka umur (jroning kurang luwih 4 taun)
Magister	manéka umur (jroning kurang luwih 2 taun)
Dhoktor	manéka umur (jroning kurang luwih 2 taun)

Jalur pendhidhikan

Jalur pendhidhikan iku wahana sing diliwati peserta dhidhik kanggo ngembangaké potènsi dhiri jroning sawiji prosès pendhidhikan sing sarujuk marang tujuan pendhidhikan.

Pendhidhikan formal

Pendhidhikan formal minangka pendhidhikan sing diselenggarakaké ing sekolah-sekolah umumé. Jalur pendhidhikan iki nduwèni jenjang pendhidhikan sing jelas, wiwit saka pendhidhikan dhasar, pendhidhikan menengah, nganti pendhidhikan dhuwur.

Pendhidhikan nonformal

Pendhidhikan nonformal paling akèh ana ing usia dini, sarta pendhidhikan dhasar, ya iku TPA, utawa Taman Pendhidhikan Al Quran,sing akèh ana ing saben mesjid lan Sekolah Minggu, sing ana ing gréja.

Saliyané iku, ana uga manéka kursus, antara liya kursus musik, bimbingan belajar lan sapanunggalané.

Pendhidhikan informal

Pendhidhikan informal adalah jalur pendhidhikan keluarga lan lingkungan berbentuk kegiatan belajar secara mandiri sing dilakukan secara sadar lan bertanggung jawab.

Kurikulum

Deleng uga: Kurikulum Berbasis Kompetensi lan Kurikulum Tingkat Satuan Pendhidhikan

Jinis èlmu		Mata pelajaran		Jenjang (kelas)
#	Jeneng	#	Jeneng	SD						SMP			SMA
				1	2	3	4	5	6	7	8	9	10	11 (IPA)	12 (IPA)	11 (IPS)	12 (IPS)
1	Ilmu Pendhidhikan	1	Agama
		2	Kewarganegaraan
		3	Jasmani lan Kaséhatan
		4	Teknologi Informatika lan Komunikasi
2	Ilmu Bahasa (lan Sastra)	1	Basa Indonésia
		2	Basa Inggris
		3	Basa Dhaérah
		4	Basa Manca
3	Ilmu Alam	1	Matématika
		2	Fisika
		3	Biologi
		4	Kimia
4	Ilmu Sosial	1	Sajarah
		2	Geografi
		3	Ékonomi
		4	Sosiologi
5	Ilmu Seni (lan Budaya)	1	Seni Musik
		2	Seni Rupa
		3	Seni Ketrampilan
		4	Seni Tari
Jumlah mata pelajaran				13									16	13

Deleng uga

• Pendhidhikan
• Kamentrian Pendhidhikan Nasional Indonésia

Pranala njaba

• Kementerian Pendhidhikan Nasional Republik Indonésia