Narasimha

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Narasimha Awatara

Narasinga (devanagari: नरसिंह ; kasebut uga Narasingh, Nārasiṃha) yaiku awatara (inkarnasi) Wisnu kang kaping papat, awujud manungsa kanthi sirah singa, kukune landhep kaya pedhang, lan duwe tangan akeh kanggo nyekel gaman. Narasimha iku minangka simbol dewa kang ngrumeksa sakebehe pamuja wisnu. [1]

Mitologi[sunting | sunting sumber]

Miturut kitab Purana, nalika nyaketi akhir jaman Satyayuga (jaman kebecikan), sawijining raja asura (raksasa) ingkang kagungan nama Hiranyakasipu boten remen kaliyan sedaya punapa kémawon ingkang gegayutan kaiyan Déwa Wisnu, saha piyambkaipun boten remen menawi wonten ing kerajaanipun wonten tiyang ingkang muja Déwa Wisnu. Amargi kala rumiyin rayinipun, inggih punika Hiranyaksa dipuntumpes déning Waraha, Awatara Wisnu.[2]


Supados saged sakti, piyambakipun ngadani tapa ingkang dangu, saha naming musataken pikiranipun dhumateng Déwa Brahma. Sesampunipun Déwa Brahma kersa nedahaken wujudipun saha ngersakaken panyuwunanipun, Hiranyakasipu nyuwun supados dipunparingi gesang ingkang abadi, boten saged pejah saha boten wonten ingkang saged ngawonaken.. Ananging Déwa Brahma boten kersa, saha nyuwun piyambakipun nyuwun panyuwunan ingkang sanésipun. Pungkasan Prabu Hiranyakasipu nyuwun, bilih piyambakipun boten saged dipunbesmi déning manungsa, kéwan punapa déné dvwa, boten saged dipuntempes nalika énjing, siyang utawi dalu, boten saged katumpes wonten ing lemah, laut, utawa ing angkasa, boten saged kabesmi wonten ing salebeting saha ing njawi dalem, sarta boten saged kabesmi déning sedaya jinising senjata. Panyuwunan kasebut dipunkersani déning Déwa Brahma. [3]

Nalika piyambakipun késah saking dalem kanggé nyenyuwun berkah, para déwa, ingkang kapimpin déning Dvwa Indra, nyerang dalemipun. Narada nylametaken garwa saha putranipun Prabu Hiranyakasipu ingkang boten mangertos punapa-punapa. Magertosi bilih para déwa njagi garwanipun, Hiranyakasipu mdados duka. Piyambakipun tambah boten remen kaliyan Déwa Wisnu saha putranipun, Prahlada, ingkang sakmenika dados pamuja Déwa Wisnu. Ananging, nalika piyambakipun numpes putranipun piyambak, piyambakipun sarwa gagal amargi kaadhang déning kekiyatanipun Déwa Wisnu. [4]

Piyambakipun greget amargi gagal dening kikiyatanipun Dewa Wisnu, ananging piyambakipun boten saged mirsani Dewa Wisnu ingkang njagi Prahlada. Piyambakipun nantang Prahlada supados nedahaken Dewa Wisnu, Prahlada mangsuli, “Dewa Wisnu wonten ing pundi – pundi, Piyambakipun wonten ing mriki, sarta piyambakipun badhe nedahaken wujudipun”. Mireng jawaban punika, Hiranyakasipu tambah duka, ngamuk, sarta ngrisak saka dalemipun. Boten dipunduga-duga, wonten swanten ingkang nggegririsi. Nalika punika Dewa Wisnu minangka “Narasinga” medal saking saka ingkang dipunrisak dening Hiranyakasipu. Narasinga dugi saperlu nylametaken Prahlada saking bapakipun, saha numpes Prabu Hiranyaksipu. Ananging, amargi anugrah saking Dewa Brahma, Hiranyakasipu boten saged pejah bilih boten dipuntumpes wonten ing wekdal, papan saha kahanan ingkang trep. Supados berkah saking Dewa Brahma boten mempan, Wisnu njalma dados manungsa kanthi sirah singa kangge numpes Hiranyakasipu, piyambakipun ugi milih wekdal saha papan ingkang trep. Saengga, berkah saking Dewa Brahma boten mempan. Narasimha saged numpes Hiranyakasipu, amargi Hiranyakasipun katumpes sanes dening manungsa, kewan, utawi dewa. Piyambakipun kabesmi sanes enjing, siyang utawi dalu, ananging nalika sonten. Piyambakipun kabesmi sanes ing njawi utawi salebeting dalem. Sarta sanes kabesmi ing lemah, tirta, dahana, utawi angkasa, ananging wonten ing pangkuanipun Narasimha. Ugi katumpes sanes migunankaken senjata, ananging migunakaken kuku.[3]

Makna saking cariyos[sunting | sunting sumber]

  • Narasinga maringi tuladha bilih Tuhan punika wonten ing pundi kemawon,
  • Rasa bakti ingkang tulus saking Prahlada nedahaken bilih sikap sawijining priyantun sanes katemtokaken saking golonganipun, utawi keturunan ingkang awon, ananging saking sifatipun. Ewadene Prahlada punika keturunan Asura, ananging piyambakipun minangka panyembah [[Wisnu] ingkang taat. [4]
  • Numpes Hiranyakasipu kanthi wujud Narasimha minangka salah satunggaling cara maringi paukuman ingkang paling sadis saking Dewa Wisnu. Wonten ing India, Narasimha kawentar sanget, wonten ing festival tradisional India, cariyos punika gegayutan kaliyan pawiwahan “Holi”, salah satunggaling pawiwahan ingkang paling wigati wonten ing India. Saking punika Narasimha dados kawentar. Wonten ing India sisih kidul, Narasimha langkung asring dipunwujudaken wonten ing seni pahat ugi lukis. Narasimha minangka awatara ingkang paling kawentar sabibaripun Rama kaliyan Krisna. [4]


Pirsani Ugi[sunting | sunting sumber]

Cathetan Suku[sunting | sunting sumber]

  1. ^ (id)[1](dipunundhuh tanggal 10 November 2012)
  2. ^ (id)[2](dipunundhuh tanggal 10 November 2012)
  3. ^ a b (id) Dharam Vir Singh (Alih Basa Dening I. G. A. Dewi Paramitha, S. S. (2006). Hinduisme Sebuah Pengantar. Surabaya: Penerbit Paramita.
  4. ^ a b c (id) I Ketut Sukartha, dkk. (2003). Agama Hindu untuk SLTP Kelas 3ISBN: 979-571-020 6 (jilid 1). Denpasar: Penerbit Ganeca Exact.
Narasinga
Sebelumnya:
{{{sadurungé}}}
Awatara Wisnu
ke-4
Berikutnya:
{{{sawisé}}}
Awatara Wisnu HinduSwastika.svg
Matsya | Kurma | Waraha | Narasinga | Wamana | Parasurama | Rama | Kresna | Baladewa (Balarama) | Buddha | Kalki
Sumber artikel punika saking kaca situs web: "http://jv.wikipedia.org/w/index.php?title=Narasimha&oldid=865266"