Wamana

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Wamana
Wamana.jpg
Gelar sebagai Awatara Wisnu utawa Wamana Awatara
Dewanagari: वामन
Dasanama: Upendra
Golongan: Awatara Wisnu

Wamana (Devanagari: वामन ; Vāmana) ing agama Hindu, yaiku awatara Wisnu kang angka lima, Sang Dewa njalma ana nalika jaman Treta yuga, minangka putrane Aditi lan Kasyapa, Brahmana. Wisnu njalma kanthi ancas mbrasta kanisthan lan menehi pitutur marang Raja Bali (Mahabali), yaiku Asura kang esih kaitung dadi putune Prahlada. Raja Bali uwis ngrebut swarga saka Dewa Indra, saengga dewa Wisnu njalma dadi manungsa kanggo menehi paukuman marang Raja Bali. Wamana awatara digambarake mawi wujud anak cilik nggawa payung. Wamana awatara iku dadi panjalmaning dewa Wisnu kang njalma dadi manungsa lengkap, ewadene wujude cilik. Wamana kala mangsa uga disebut Upendra[1]

Kisah Wamana Awatara[sunting | sunting sumber]

Kisah Wamana Awatara kamot wonten ing kitab Bhagawatapurana. Miturut cariyos wonten ing kitab, Wamana minangka Brahmana alit rawuh wonten ing istana Raja Bali amargi nalika sakpunika Raja Bali ngundhang sedaya Brahmana saperlu maringi hadiah. Piyambakipun sampun dipunsukani nasehat dening Sukracarya supados boten paring hadiah punapa kemawon dhumateng Brahmana ingkang aneh saha benten kaliyan sanesipun. Nalika pambageyan hadiah, salah stunggaling Brahmana ingkang alit wonten ing sadengahipun parra brahmana-brahmana sanesipun ingkang sampun sepuh. Brahmana punika ugi badhe dipunparingi hadiah dening Raja Bali. Brahmana alit punika nyuwun lemahingkang ambanipun naming tigang jengkal, ingkang kaukur kanthi langkahipun. Raja Bali sesumbar saha nglirwakaken nasihat saking Sukracarya. Piyambakipun lajeng prentah brahmana punika mlampah.[2]

Nalika sakmenika ugi, Brahmana punika tambah ageng. Kanthi ukuran ingkang ageng sanget, piyambakipun saged mlampah ing swarga saha donya. Nalika langkang ingkah kapisan, piyambakipun ngidak swarga. Wonten ing langkah angka kalih, piyambakipun ngidak donya. Sarta ingkang pungkasan, amargi boten wonten papan malih, Raja Bali nyerahaken sirahipun Wiwit sakpunika, sampun tamat panguwaosipun Raja Bali. Amargi trenyuh kaliyan Raja Bali ingkang suka paparing, saengga Wamana maringi gelar Mahabali. Piyambakipun ugi janji bilih samangke Bali badhe dados Indra nalika “Manwantara” salajengipun. [3]


Tradisi saha pemujaan[sunting | sunting sumber]

Wamana minangka 'Sang Hyang Triwikrama' kagambaraken gadhah tigang pada, ingkang setunggal wonten ing donya, ingkang angka kalih wonten ing swarga, sarta ingkang kaping tiga wonten ing sirahipun Mahabali.[4] Kisah Wamana Awatara saha Raja Bali dipunpengeti saben taun nalika pawiwahan Onam ing Kerala (India). Wonten ing mrika ugi dumunung kuil mligi kangge nyembah Wamana Awatara. Kajaba ing mrika, ugi wonten kuil – kuil Wamana kasebar ing India, salah satunggalipun ing Kanchipuram, caket kuil Kamaskshi. [5]


Pirsani Ugi[sunting | sunting sumber]

Cathetan Suku[sunting | sunting sumber]

  1. ^ (id)[1](dipunundhuh tanggal 10 November 2012)
  2. ^ (id)[2](dipunundhuh tanggal 10 November 2012)
  3. ^ (id) Dharam Vir Singh (Alih Basa Dening I. G. A. Dewi Paramitha, S. S. (2006). Hinduisme Sebuah Pengantar. Surabaya: Penerbit Paramita.
  4. ^ (id)[3](dipunundhuh tanggal 10 November 2012)
  5. ^ (id) I Ketut Sukartha, dkk. (2003). Agama Hindu untuk SLTP Kelas 3ISBN: 979-571-020 6 (jilid 1). Denpasar: Penerbit Ganeca Exact.
Wamana
Sebelumnya:
{{{sadurungé}}}
Awatara Wisnu
ke-5
Berikutnya:
{{{sawisé}}}


Awatara Wisnu HinduSwastika.svg
Matsya | Kurma | Waraha | Narasinga | Wamana | Parasurama | Rama | Kresna | Baladewa (Balarama) | Buddha | Kalki
Sumber artikel punika saking kaca situs web: "http://jv.wikipedia.org/w/index.php?title=Wamana&oldid=882097"