Kembang kenanga

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kenanga
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Magnoliales
kulawarga: Annonaceae
Genus: Cananga
Species: C. odorata
Jeneng binomial
Cananga odorata
(Lam.) Hook.f. & Thomson

Kenanga (Canangium odoratum) iku jeneng kembang saka wit sing nduwèni jeneng padha.[1] Ana loro forma kenanga, yakuwi Cananga odorata forma macrophylla, sing ditepungi minangka kenanga biasa.[1] Banjur Cananga odorata forma genuina utawa kenanga Filipina, sing uga disebut ''ylang-ylang''.[1] Saliyané iku isih dikenal kenanga perdu (Cananga odorata varietas fruticosa), sing akèh ditandur minangka pethètan ing plataran omah.[1] Akéh sesebutan kanggo kembang kenanga, ing bahasa Indonesia diarani Kenanga, ing basa Jawa darani Kenanga, Wangsa; miturut basa SundaKananga, miturut basa Bali Sandat kananga, Sadat wangsa; bahasa Aceh Selanga, basa Sasak Sandat , basa Nias Ngana-ngana; lan miturut basa Minahasa kenanga diarani Lalangiran, amok, wungurer, pum-pum, luit.[1] Kenanga uga bisa diolah dadi minyak kenanga kang ambuné wangi.[1] Kenanga (Canangium odoranatum) uga dimanfaatké kanggo bahan industri ''parfum'' lan kosmetik.[2] Saliyané iku kenanga uga bisa kanggo obat werna-werna penyakit.[2]

Pamerian[sunting | sunting sumber]

Wit kenanga nduwèni pang kang gedhe, diameteré 0,1-0,7 meter, kanthi umur puluhan taun.[3] Tanduran kenanga nduwèni pang kang getas nalika isih enom. Dhuwuré wit iki isa nganti 5-20 meter.[3] Kembang kenanga bakal metu ing pang kang panggoné bagéyan dhuwur. Saben kembang ana 6 lembar godhong kanthi makutha kang warnané kuning lan ditambahi 3 lembar godhong werna ijo.[3] Susunan kembang kasebut majemuk karo garpu-garpu.[3] Kenanga ora kalebu tanduran herba.[4] Cara nengkaraké yaiku saka wiji lan wité.[4] Kang bisa dimanfaatké saka kenanga yaiku kembangé kang ngganda arum. [4]


Gunane Kembang Kenanga[sunting | sunting sumber]

Kembang kenanga isa digunakaké kanggo obat-obatan, ing ngisor iki tuladhané:[5]

  1. '''Demam nifas''': kembang kenanga 5, kembang turi abang 5, rimpang kunir 10 gram, kencur 10 gram, temu temu ireng 10 gram, lan 25 gram asem, kabeh bahan mau diuleg nganti alus, banjur ditambahi uyah lan banyu sithik, banjur dioleské ing geger utawa weteng. Dilakoni sedina kaping pindo.[5]
  2. '''Lara Encok''' utawa '''rematik''' : kembang kenanga sing isih kuncup 12, 30 gram godhong srikaya, 20 gram godhong ketapang, 20 gram jahe, mrica 10, dikumbah banjur kabeh bahan mau diuleg ditambah banyu lan kapur sirih, diudhek, banjur digosoke ing panggonan kang lara. [5]
  3. '''Kudis''' (scabies) : 50 gram kembang kenanga diumbah lan diuleg alus, tambahké 20 cc lenga goreng, dipanaske sedhelok, sawise adhem dioleske ing panggon kang lara.[5]
  4. '''Dicokot kewan''' : kembang kenanga 2, kembang mawar 1, melati 10, diperes karo ditambah lenga klapa, banjur dioleske ing panggon kang dicokot.[5]
  5. '''Malaria dan Asma''': kembang kenanga 3, kembang kenanga kang wis dienggi kudu digaringan dhisik, diseduh ing segelas banyu panas lan ditutup rapet, disaring banjur diombe.[1]
  6. '''Asma utawa sesak nafas''':1/2 gegeman kembang kenanga, 1 1/2 sendok gula putih, digodhong ing segelas banyu nganti umum lan banyune sisa 1/2 gelas, banjur disaring lan diombe wayah esok lan sore.[1]
  7. '''Bronkhitis''': kembang kenanga 2, digodhog ing segelas banyu panas nganti umup lan banyuné sisa mung 1/2 gelas, banjur disaring lan diombe wayah esok lan sore.[1]
  8. Jamu sehat sawise ngairaké:kembang kenanga kang isih enom, kayu rapet, pegatsih, kunci pepet, kunir, jongrahab, jalawe, dan jakeling, kabeh bahan dicampur lan dideplog nganti alus ing pipisan, banjur diseduh ing banyu panas, sawisé iku disaring lan diombé.[6]



Cathetan Suku[sunting | sunting sumber]

  1. ^ a b c d e f g h i (id)[1](dipunundhuh tanggal 13 April 2011)
  2. ^ a b {{id}][2](dipunundhuh tanggal 13 April 2011)
  3. ^ a b c d (id)Kenanga
  4. ^ a b c (id)[3](dipunundhuh tanggal 12 April 2011)
  5. ^ a b c d e (id)Manfaat Bunga Kenanga (diundhuh tanggal 15 Maret 2011)
  6. ^ {{id]][4](dipunundhuh tanggal 13 April 2011)
Sumber artikel punika saking kaca situs web: "http://jv.wikipedia.org/w/index.php?title=Kembang_kenanga&oldid=829142"