Katsuobushi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Katsuobushi
Kezuribushi (katsuobushi kang wis diserut)

Katsuobushi (鰹節?) yaiku panganan awetan kang bahan bakune iwak cakalang (katsuo). Katsuobushi diserut dadi kaya serutan kayu kanggo dijupuk kaldune kang mujudake bahan dhasar masakan Jepang, diwenehake ing ndhuwur panganan kanggo panyedhep rasa, utawa digadho lan digawe lawuh bareng sega.

Katsuobushi kang wis diserut tipis wernane coklat enom nganti jambon rada bening padatan didol ing plastik. Katsuobushi minangka panyedhep panganan padatan disawurake ing ndhuwur hiyayako (tahu adhem), okonomiyaki lan takoyaki. Katsuobushi kang wis diserut diarani kezuribushi.

Ngawetake iwak cakalang dadi katsuobushi umum dilakoni ing saperangan negara kaya Jepang lan kepuloan Maladewa. Teknik ngawetake iwak dadi katsuobushi wis dikenal ing Jepang wiwit sadurunge zaman Edo. Katsuobushi uga diarani iwak kayu jalaran iwak cakalang kang wis diolah dadi atos kaya kayu, dadi sadurunge dianggo masak kudu diserut nganggo ani-ani.

Iwak dibelah dai rong bageyan kanggo mbuwang balunge, dadi mung kari daging iwak kang wujude kaya kapal diarani fushi (?). Daging iwak kasebut banjur diproses nganti dadi katsuobushi.

Pranala njaba[sunting | sunting sumber]



Sumber artikel punika saking kaca situs web: "http://jv.wikipedia.org/w/index.php?title=Katsuobushi&oldid=832450"