Takoyaki

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Takoyaki kang diwadhahi wadhah awujud prau
Wajan kanggo gawe Takoyaki
Commons-logo.svg
Wikimedia Commons gadhah galeri bab:

Takoyaki[1] (たこ焼き) jeneng panganan saka dhaerah Kansai ing Jepang, awujud kaya bal-bal cilik kanthi diameter 3-5 cm, digawe saka adonan tepung terigu ing jerone diiseni potongan gurita.

Asal-Usul[sunting | sunting sumber]

Awale, takoyaki utawa octopus balls mung awujud snack bunder diametere 3-5 cm kang jerone isine potongan gurita, disajekake karo saus. Takoyaki iki didol nganggo sundukan pring isine 3 glindhing. Nalika nyajekake, takoyaki mesthi didol ing bentuk porsian. 1 porsi padatan isine 3-10 glindhing ing 1 wadah, kang mesthi diwenehi tusuk gigi utawa sumpit sekali pakai. Ing Jepang, takoyaki padatan didol ing wadhah kang bentuke kaya prau.

Takoyaki misuwur banget ing Jepang, khususe ing Kansai, Tokyo lan Osaka. Snack mungil iki paling enak yen didhahar nalika isih panas minangka nyamikan. Saben omah ing Osaka padatan duweni wajan (loyang) takoyaki. Takoyaki digunakak minangka panganan kebanggaan, kang digawe lawuh kanggo dhahar sega putih.

Jinising Takoyaki[sunting | sunting sumber]

  • Takoyaki polos: Ora nganggo saus, rasa kecap asin lan kadhang-kadhang didhahar karo ponzu utawa uyah kasar
  • Takoyaki (karo saus): Dhuwure diolesi saus lan mayones, aonori lan katsuobushi.
  • Takoyaki kecap asin: Dhuwure diolesi kecap asin, kerep ditemokake ing dhaerah Nayoga
  • Akashiyaki (Tamagoyaki): panganan saka tepung terigu kang diencerake karo endhog pitik kang akeh lan dashi, disajekake jejer-jejer ing sadhuwuring piring arupa talenan lan didhahar kanthi nyelupake ing sup adedhasar dashi.

Bahan-bahan kanggo gawe Takoyaki[sunting | sunting sumber]

  • Takoyaki-ki: sesebutan kanggo wajan kanthi bunderan-bunderan cekung kang fungsine minangka loyang nalika masak takoyaki.[2]
  • Sunduk wesi karo cekelan saka kayu/tusuk sate: digunakake kanggo molak-malik adonan nganti dadi bunder tenanan.
  • Tepung terigu: nganggone tepung terigu protein rendah supaya asile putih, luwih empuk lan gurih.
  • Konnyaku: jinis jelly kang duweni akeh serat. Digunakake kanggo variasi isi takoyaki.
  • Benishoga: asinan jahe (sushi gari) kang dicincang, kanggo nambah citarasa pedhes lan kecut ing takoyaki.
  • Konbu/kombu: ganggang laut (rumput laut) kang awujud lembaran, kanggo bahan dasar kaldu (dashi). Ana uga kang fungsine minangka lapisan pana tarabagani sushi (capit kepiting besar).
  • Tenkasu: cereal jinis rice crispy fungsine kanggo nambahi rasa kriyuk-kriyuk ing takoyaki.
  • Katsuo-bushi: digawe saka iwak cakalang. Ana rong jinis, yaiku bubuk lan lembaran serat awarna kecoklatan. Digunakake kanggo pendamping ing masakan Jepang sarta bisa digunakake kanggo bahan kaldu.
  • Saus okonomiyaki: saus kang digunakake ing okonomiyaki (jinis masakan teppanyaki) minangka lawuh padatan rasane pedhes lan legi.

Cathetan Sikil[sunting | sunting sumber]

  1. ^ (en)japanesefood.com Takoyaki
  2. ^ (id)inforesep.com Takoyaki

Pranala Jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Takoyaki&oldid=832140"