Teppanyaki

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Teppanyaki (鉄板焼き? panggang plat wesi) yaiku sawijining cara masak panganan Jepang ing sandhuwure plat wesi (teppan). Saliyane kuwi, teppanyaki uga bisa ditegesi minangka omah makan Jepang kang nyedhiyani panggonan lan meja wujude kounter, dene plat wesi dianggo juru masak kanggo masak panganan. Plat wesi kang dianggo minangka piranti masak iku kandhele watara 0,3 cm tekan 1,5 cm. Ing ngisor plat wesi ana kompor gas kang ana pirantine kanggo ngatur gedhe cilikke geni. Masakan kang dimasak ing ndhuwur teppan, tuladhane steak, okonomiyaki, monjayaki, yakisoba, lan saperangan jinis masakan saka janganan, daging, utawa panganan laut.

Kandhele plat wesi[sunting | sunting sumber]

Kandhele plat wesi adhedhasar jinis panganan kang pengin digawe. Okonomiyaki kang mbutuhake wektu masak luwih suwe mbutuhake plat wesi kang luwih kandhel. Dene plat kang tipis dianggo numis janganan kayata kul lan tauge nganggo geni gedhe lan wektu kang sedhela. Kuli bangunan kerep migunakake turahan tugelan plat wesi bekas bangunan kanggo masak teppanyaki. Sadurunge kanggo masak, plat wesi kusu dikumbah resik lan digosok nganti lunyu. Sawise resik, plat wesi dipanasi lan dilap nganggo anduk nganti garing.



Sumber artikel punika saking kaca situs web: "http://jv.wikipedia.org/w/index.php?title=Teppanyaki&oldid=832229"