Monjayaki

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Monjayaki sadurunge dimasak

Monjayaki (もんじゃ焼き?) utawa monja yaiku panganan Jepang kang digawe saka adonan glepung cewer lan digoreng ing sandhuwure plat wesi kang diarani teppan. Isine janganan, daging, utawa panganan laut. Senajan umume ditemoni ing Kanto, monjayaki uga misuwur minangka panganan khas Tokyo. Saliyane ing Tokyo, panganan iki uga misuwur ing Prefektur Saitama, Prefektur Gunma, lan Prefektur Tochigi.

Wiwitane panganan iki digawe minangka variasi okonomiyaki, nanging glepunge dicewerake nganggo banyu kang luwih akeh tinimbang okonomiyaki. Kanggo panyedhep, ditambahake saos uster lan dashi. Janganan kang dianggo padatan unclang, acar jae abang (benishōga), utawa kul kang diiris-iris cilik-cilik. Saliyane panganan laut (urang, iwak nus), monjayaki bisa diiseni urat sapi, daging babi, kèju, utawa campuran saka sakabehing bahan.

Bahan-bahan kasebut dicampur dadi siji sadurunge digoreng ing teppan. Sawise isine setengah mateng, turahan adonane disok ing tengah lan diudheg-udheg. Yen wis arep mateng, sisih njaba dadi garing nanging njerone tetep empuk. Sisih njaba monjayaki dijupuk sithik saka teppan nganggo hagashi (sodet cilik) banjur dipangan.

Pranala njaba[sunting | sunting sumber]


Sumber artikel punika saking kaca situs web: "http://jv.wikipedia.org/w/index.php?title=Monjayaki&oldid=832419"