Kamaboko

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kamaboko kang wernane abang lan putih.

Kamaboko (蒲鉾?) yaiku jenengan kanggo maneka warna panganan olahan saka iwak kang dialusake, dicithak ing ndhuwur kayu, lan dikukus nganti mateng. Irisan kamaboko bisa langsung dipangan utawa dianggo gegenep lan hiasan panganan mawa duduh kayata ramèn, soba, utawa udon.

Adonan diselehake ing ndhuwur tugelan kayu kang wujude pesagi papat lan diratakake nganti mbentuk separo bunder. Kayu kang dipilih kanggo lambaran kamaboko iku kayu kang ora mambu nalika dikukus. Adonan kerep dicampur karo sumba panganan wernane jambon supaya luwih apik. Salah sijine kamaboko kang diarani Naruto utawa Naruto-maki, yen diiris bisa mbentuk irisan kang motife pusaran banyu. Kamaboko kang niru rasane kepithing diarani kanikama utawa kanikamaboko.

Kamaboko ing Jepang[sunting | sunting sumber]

  • Saiku kamaboko (kamaboko artistik)
Kamaboko kang dicithak kaya iwak kakap utawa mizuhiki, dianggo olèh-olèh kanggo tamu ing pahargyang temanten. Tradhisi iki ana ing kutha Maizuru lan prefektur Toyama. Kamaboko kang regane larang wujude iwak kakap kanthi skala 1:1 kerep dibagekake marang para tamu pahargyan temanten kang sugih.
  • Haben
Ing Perfektur Toyama, kamaboko diarani Habén lan ora dibentuk ing ndhuwur kayu, nanging dibentuk kaya gulungan tamagoyaki.
  • Sasa-kamaboko (kamaboko pring)
Ing kutha Sendai, kamaboko ora nganggo lambaran kayu, nanging dibentuk kaya godhong pring (sasa) lan disundhuk nganggo sujèn. Sasa-kamabako dianggo minangka bebungah lan oleh-oleh khas Sendai.
  • Yaki-kamaboko (kamaboko panggang)
Ing Kansai, wong luwih seneng kamaboko kang ndhuwure dipanggang nganthi wernane kaya emas.

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kamaboko&oldid=832619"