Soba

Mori soba

Soba (蕎麦 atau そば, Soba^?) yaiku sawijining mi Jepang kang digawe saka glepung buckwheat (gandum buk). Ing basa Jepang, tanduran sereal buckwheat uga diarani soba. Saliyane iku, istilah soba uga bisa ditegesi minangka mi endhog kang asalé saka Tiongkok kang dimasak dadi yakisoba utawa ramèn.

Wong Jepang nduwe tradhisi mangan soba nalika malem taun anyar. Soba kang dipangan ing wengi sadurunge taun anyar diarani Toshikoshi-soba (soba nglewatake taun). Saliyane kuwi, uga ana tradhisi mangan soba nalika pindhahan ing omah anyar. Soba kang dipangan iki diarani Hikkoshi-soba (soba pindahan).

Jinis-jinis soba

• Soba seger

Sawise dirajang-rajang, soba diwuri glepung supaya ora kelèt lan dilebokake ing kanthong plastik.

• Soba kering

Soba seger kang digaringake nganggo hawa panas lan didol kanthi cara diwadhahi plastik.

• Soba godhog

Soba ing wadhah siap saji, dadi siji karo saos, unclang, lan uga ana tempurané utawa aburage.

• Soba instan

Soba digaringake nganggo hawa panas utawa digoreng, sadurunge dipangan kudu dijarangi dhisik.

• Soba beku

Soba seger kang dibekokake lan didol minangka panganan beku ing pasar swalayan gedhe.

Wikimedia Commons gadhah galeri bab:

Soba