Tempura

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tempura

Tempura (天ぷら tenpura?) mujudake panganan Jepang awujud panganan laut, janganan, utawa tanduran liar kang diclupake ing adonan saka glepung lan kuning endhog kang dicewerake nganggo banyu adhem banjur digoreng nganggo lenga kang akeh nganti wernane kuning enom.

Tempura uga tegese cara nggoreng kang beda karo furai (basa Jepange deep fry). Bahan pangan kang digoreng kanthi cara tempura diclupake ing adonan tempura, dene panganan kang digoreng kanthi cara deep fry diungkus nganggo glepung, kopyokan endhog, lan tepung panir. Lega kang dianggo nggoreng tempura apike lenga goreng kang resik lan durung dianggo nggoreng panganan liya.

Adonan tempura[sunting | sunting sumber]

Wajan kanggo tempura

Adonan tempura ing basa Jepang diarani koromo (? klambi) jalaran kaya "klambi" kang mbungkus panganan. Adonan tempura digawe saka campuran glepung protein rendah kang diadhemake dhisik, endhog pitik, lan banyu ès. Sakabehing bahan diudheg nganggo sumpit supaya mringkil-mringkil. Glepung kang diudheg nganti rata malah ndadekake adonan atos lan asiling gorengan ora apik.

Sakabehing jinis bahan pangan bisa didadekake tempura kayata urang, iwak nus, iwak, daging pitik, godhong-godhongan saka tanduran liar, lan bahan pangan gaweyan pabrik kaya chikuwa uga kerep didadekake tempura. Irisan tipis daging babi kang digoreng nganggo cara tempura diarani Tonpura.


Sumber artikel punika saking kaca situs web: "http://jv.wikipedia.org/w/index.php?title=Tempura&oldid=832411"