John Couch Adams

Saka Wikipédia Jawa, bauwarna mardika basa Jawa
John Couch Adams
Photo c. 1870
Lair(1819-06-05)5 Juni 1819
Laneast, Launceston, Cornwall, United Kingdom
Pati21 Januari 1892(1892-01-21) (umur 72)
Cambridge Observatory
Cambridgeshire, England
BangsaBritish
Alma materUniversity of Cambridge
Karièr ngèlmiah
Juru pamrayogaJohn Hymers

John Couch Adams Fellow of the Royal Society inggih punika salah satunggaling astronom lan ilmuwan matematika saking Inggris ingkang miyos wonten ing tanggal 5 Juni 1819 lan séda ing tanggal 21 Januari 1892. Adams miyos wonten ing ing Laneast caket kaliyan tlatah Launceston, Cornwall lan séda ing Cambridge.[1]

Prestasi[besut | besut sumber]

Asiling prestasinipun ingkang paling misuwur inggih nalika saged paring predhiksi kawontenanipun lan posisinipun planit Neptunus kanthi namung ngginakaken ngèlmu matematika. Pétanganipun dipundamel kanggé ngandharaken pabédaning kaliyan orbit Uranus lan kukum fisika saking Johannes Kepler lan Isaac Newton. Wonten ing wekdal ingkang sami, nanging boten sami dipunmangertosi déning satunggal tiyang kaliyan tiyang sanèsipun, pétangan ingkang sami ugi dipundamel déning Urbain Le Verrier. Le Verrier badhé mbiyantu astronom saking Observatorium Berlin, Johann Gottfried Galle kanggé manggihaken planit ing tanggal 23 September 1846 ingkang kapanggih wonten ing jarak slisih 1 ° saking papan ingkang sampun dipunpredhiksi, sattunggaling titik geometri ing rasi lintang Aquarius. John Couch Adams inggih punika satunggaling profésor saking Lowndean ing babagan astronomi lan Geometri ing University of Cambridge ingkang dangunipun tigang dasa tiga taun saking taun 1859 saking sedanipun. Piyambakipun ugi sampun naté pikantuk medali emas saking Royal Astronomical Society ing taun 1866. Lan wonten ing taun 1884, piyambakipun rawuh wonten ing adicara International Meridian Conference minangka wakil kanggé Britania Raya lan Irlandia, Inggris. Satunggaling kawah wonten ing bulan ugi dipunparingi nama piyambakipun sasampunipun piyambakipun sesarengan kaliyan Walter Sydney Adams lan Charles Hitchcock Adams manggihaken kawah punika. Ali-ali Neptunus lan satunggaling asteroid kanthi nama 1996 Adams ugi dipunparingi namanipun piyambakipun sasampunipun dipunanggihaken déning Adams. Satunggaling penghargaan, Adams Prize' inggih dipunwontenaken denig Universitas Cambridge kanggé ngurmati lan ngenang asiling predhiksinipun saking posisinipun planit Neptunus. Perpustakaan pribadhinipun sapunika sampun dipunrawat déning pabukon Universitas Cambridge (Cambridge University Library).

Penghargaan[besut | besut sumber]

John Couch Adams sampun naté pikantuk kathah penghargaan saking kathah lembaga, ing antawisipun inggih kados makaten:

  • Piyambakipun inggih dipunparingi gelar minangka ksatria déning Ratu Victoria ing taun 1847 ing Cambridge.
  • Anggota kehormatan Luar Negeri saking American Academy of Arts and Sciences ing taun 1847.[2]
  • Copley medal saking Royal Society ing taun 1848;
  • Adams Prize, ingkang dipundhirikaken déning anggota kolega St John, ingkang badhé dipunparingaken kalih taun sapisan kanggé ilmuwan ingkang saé piyambak ing babagan subjek ngèlmu matematika.
  • Présidhèn Royal Astronomical Society ing taun 1851-1853 lan ing taun 1874-1876.

Bibliografi[besut | besut sumber]

  •  Artikel iki ngamot tèks saka sawijining babaran kang sapréné ana ing dhomain publikChisholm, Hugh, èd. (1911). "Adams, John Couch". Encyclopædia Britannica (ing basa Inggris) (édhisi ka-11). Cambridge University Press.

Obituari[besut | besut sumber]

Adams lan pamanggihipun bab planit Neptunus[besut | besut sumber]

Cathetan suku[besut | besut sumber]

  1. Biography on the St Andrews database
  2. "Book of Members, 1780-2010: Chapter A" (PDF). American Academy of Arts and Sciences. Dibukak ing 1 April 2011.