The Times

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
The Times
245px
Kaca ngarep The Times tanggal 22 Februari 2011
Jinis Koran dinan
Format Compact

Sing kagungan Times Newspapers Ltd
Redaktur James Harding
Didegaké 1785
Haluan Centre-right
Markas besar Wapping, London
Oplah 618,160 [1]

Situs web: www.timesonline.co.uk

The Times iku koran dinan sing diterbitaké ing Britania Raya wiwit taun 1785, nalika iku isih ditepungi kanthi jeneng The Daily Universal Register.

Koran iki lan seduluré The Sunday Times diterbitaké déning Times Newspapers Limited, sing arupa bagéyan saka News International. News International diduwéni kabèh déning klompok News Corporation, sing dipimpin déning Rupert Murdoch. Senajan umumé koran iki cukup modherat centre-right lan panyengkuyung saka golongan Konservatif, nanging koran iki tau nyengkuyung klompok Partai Buruh nalika taun 2001 lan 2005 nalika ajang pammilihan umum.[2] Nalika taun 2005, adhedhasar data saka MORI, antuk data yèn 40% saka para pamacané iku panyengkuyung saka Partai Konservatif, 29% panyengkuyung Demokrat Liberal, 26% panyengkuyung Partai Buruh.[3]

The Times iku jeneng asli saka koran iki, lan nyilihaké jenengé marang manéka korang ing sapérangan panjuru donya, kayadéné The New York Times, The Times of India, lan The Irish Times. Kanggo luwih khusus, yèn diterbitaké kanggo dhaérah ing njaba UK minangka London Times. Koran iki asliné migunakaké jinis huruf Times New Roman, sing dikembangaké déning Stanley Morison saka The Times kerjasama karo Monotype Corporation sing wis misuwur babagan panyithakané.

Koran iki diterbitaké jroning wangun broadsheet kanggo luwih saka 200 taun, nanging diowahi dadi wangun compact nalika taun 2004 minangka laku kanggo ngranggèh para pamaca enom. Mei 2006, diwara-warakaké bakal diterbitaké edisi Amérika Sarékat,[4] sing wiwit diédharaké tanggal 6 Juni 2006.

Hari ini[sunting | sunting sumber]

Rega sing dicantumké ing koran iki ing Inggris Raya iku 70p (70 penny) sakwéné dina kerja (mundhak 5p wiwit 3 September 2007), 30p kanggo para mahasiswa sing didol sacara khusus saka kios-kois mahasiswa lan £1.40 ing dina Setu (wiwit 8 September 2007). Koran seduluré, The Sunday Times, isih duwé format broadsheet. Senajan The Times lan The Sunday Times, kaloroné diduwèni News International, sawijining anak perusahaan saka Rupert Murdoch's Newscorp, kaloroné ora silih bagi pegawai ing babagan éditorial, lan didegaké kapisah lan mung andum pamilik waé wiwit 1967. Nalika sasi November 2006 The Times wiwit nyithak judhulé jroning wangun huruf anyar, Times Modhèrn.

Sirkulasi[sunting | sunting sumber]

Adhedasar data sing bisa ditanggungjawabaké angka sirkulasi kanggo sasi November 2005 nuduhaké yèn The Times sing kaadol gunggungé 692,581 èkspemplar saben dinané. Iki panggayuhan sing paling dhuwur wiwit koran iki dipimpin déning éditor, Robert Thomson, lan nyakinaké yèn koran iki tetep bakal dadi sing paling ngarep saka The Daily Telegraph jroning total pangadolané, senajan The Daily Telegraph tetep dadi sing palng ngarep ing pasar, kanggo broadsheets, kanthi sirkulasi ora kurang saka 905,955 èksemplar. Koran wangun tabloid, kayadéné The Sun lan Daily Mail, saiki kasil adol kanthi sirkulasi ora kurang saka 3,274,855 lan 2,353,807.[5]

Pranala njaba[sunting | sunting sumber]

Cathetan sikil[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=The_Times&oldid=829693"