Asteroid

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sabuk asteroid (titik-titik pethak).

Asteroid punika benda langit alit lan padhet ingkang wonten ing sistem tata surya.

Asteroid punika conto saking sakjenis planet alit (utawi kasebat ugi planetoid), nanging saklangkung alit tinimbang planet.

Antawisipun 200 taun Ceres kaanggep asteroid paling ageng. Nanging ing tanggal 23 Agustus 2001, sampun katemoaken asteroid ingkang langkung ageng tinimbang Ceres. Asteroid puniki naminipun 2001 KX 76, lintasan orbitipun ing sacelaking Pluto. Asteroid ingkang paling alit ndarbéni dhiameter kirang langkung dasaan meter. Asteroid kalebet benda minor ing sistem tata surya, sesarengan kaliyan komet lan meteoroid.

Asteroid ing sistem tatasurya[sunting | sunting sumber]

Saking kiwa nuju tengen: 4 Vesta, 1 Ceres, Bulan.

Sampun atusan ewu asteroid ing tatasurya katemoaken, lan sapunika panemon énggal rata-rata 5000 asteroid saben wulanipun. Ing tanggal 27 Agustus, 2006, saking total 339.376 planet alit ingkang kadfatar, 136.563 ing antawisipun ndarbéni orbit ingkang cekap kakenal saéngga saged diparingi nomor resmi ingkang permanén. Ing antaraning planet-planet kasebat, 13.350[1] ndarbéni nami resmi (trivia: kinten-kinten 650 ing antaraning nami puniki mbetahaken tandha pangenal). Nomor paling ngandhap nanging arupi planet alit ingkang mboten kagungan nami inggih punika (3360) 1981 VA; planet alit ingkang kanamèaken kanthi nomor paling nginggil (kejawi planet katai 136199 Eris sarta 134340 Pluto) inggih punika 129342 Ependes [2].

Sapunika dipunkinten bilih asteroid ingkang kagungan dhiameter langkung saking 1 km ing sistem tatasurya total cacahipun antara 1.1 dumugi 1.9 yuta[3]. Astéroid paling wiyar ing sistem tatasurya sisih lebet inggih punika 1 Ceres, kanthi dhiameter 900-1000 km. Kalih asteroid sabuk sistem tatasurya sisih lebet inggih punika 2 Pallas lan 4 Vesta; kekalihipun ndarbéni dhiameter ~500 km. Vesta arupi asteroid sabuk paling utami ingkang kadang-kala kapirsani kanthi mata telanjang (ing sapérangan kedadosan ingkang cekap langka, asteroid ingkang celak kaliyan bumi saged kapirsani tanpa bantuan teknis; pirsani 99942 Apophis).

Massa sedaya asteroid Sabuk Utami dipunkinten 3.0-3.6×1021 kg[4][5], utawi kirang langkung 4% saking massa bulan. Saking kasedaya puniki, 1 Ceres ndarbéni massa 0.95×1021 kg, 32% saking totalipun. Salajengipun asteroid paling padhet, 4 Vesta (9%), 2 Pallas (7%), lan 10 Hygiea (3%), ndadosaken kintenan puniki dados 51%; tiga salajengipun, 511 Davida (1.2%), 704 Interamnia (1.0%), lan 3 Juno (0.9%), namung nambah 3% saking massa totalipun. Cacahing asteroid salajengipun nambah sacara eksponensial éwadéné massa asteroid-asteroid puniki mandhap. Dipuntelaaken bilih asteroid ugi ndarbéni setunggal satelit ingkang naminipun Dactyl.

Pirsani ugi Daftar asteroid misuwur ing Sistem Tatasurya, utawi Daftar asteroid miturut urutanipun.

Referensi[sunting | sunting sumber]

  1. ^ "Minor Planet Names". http://cfa-www.harvard.edu/iau/lists/MPNames.html. Retrieved 2006-09-14.
  2. ^ "Discovery Circumstances: Numbered Minor Planets (125001)-(130000)". http://cfa-www.harvard.edu/iau/lists/NumberedMPs125001.html. Retrieved 2006-07-12.
  3. ^ "New study reveals twice as many asteroids as previously believed". http://www.spaceref.com/news/viewpr.html?pid=7925. Retrieved 2006-03-28.
  4. ^ Krasinsky, G. A.; Pitjeva, E. V.; Vasilyev, M. V.; Yagudina, E. I. (2002). "Hidden Mass in the Asteroid Belt". Icarus 158 (1): 98-105.
  5. ^ Pitjeva, E. V. (2005). "High-Precision Ephemerides of Planets - EPM and Determination of Some Astronomical Constants". Solar System Research 39: 176.

Mangga ugi pirsani[sunting | sunting sumber]

Tata Surya
8planet.jpg
Planet: Merkurius | Venus | Bumi | Mars | Yupiter | Saturnus | Uranus | Neptunus
Planet cilik: Ceres | Pluto | Eris
Liyane: Srengéngé | Satelit | Asteroid | Komet | Sabuk kuiper | Awan oort

Sumber artikel punika saking kaca situs web: "http://jv.wikipedia.org/w/index.php?title=Asteroid&oldid=812751"