Ekidna
 |
Artikel punika pinuju ngalami éwah-éwahan ageng ngantos 28 Pebruari 2012 Kanggé nyegah konflik panyuntingan, nyuwun tulung supados boten nyunting artikel punika nalika pesen punika taksih wonten. Kaca punika pungkasan dipunsunting déning Legobot (Kontrib • Log) 69 dinten 1061 menit kapungkur. |
|
|
Artikel pelatihan Papat Limpad 2012 punika perlu dipunrapèkaken supados miturut dhumateng standhar Wikipédia |
| Ekidna[1] Temporal range: Miocene–Recent |
|
|---|---|
 |
|
| Western Long-beaked Echidna | |
| Klasifikasi èlmiah | |
| krajan: | Animalia |
| filum: | Chordata |
| kelas: | Mammalia |
| ordo: | Monotremata |
| kulawarga: | Tachyglossidae Gill, 1872 |
| Spesies | |
|
Genus Tachyglossus |
|
Ekidna (Echidna) yaiku siji-sijiné kéwan saka ordo Monotremata sing isih bisa urip nganti saiki saliyané platipus. Ekidna kalebu famili Tachyglossidae lan minangka kéwan asli saka Papua lan Australia.
Ekidna yaiku mamalia cilik sing awaké ditutupi rambut kasar lan eri.[2] Ekidna mèmper kaya kéwan sing memangsan semut ing Amerika Kidul, nduwèni moncong sing fungsiné dadi lambé lan irung.[2] Moncongé dawa lan krèmpèng, déné sikilé cendhèk lan kuat kanthi kuku gedhé.[2]
Bab lan Paragraf |
Taksonomi [sunting]
Ekidna diklompokaké dadi rong genus, yaiku genus Zaglossus lan genus Tachyglossus. Genus Zaglossus ana telung spèsiès kang isih urip lan ana rong spesiès kang wis punah (dimangertèni mung lumantara fosil). Déné genus Tachyglossus mung ana spesiès siji kang dikenal.
Genus Zaglossus [sunting]
Ana telung spesies saka genus Zaglossus kang isih urip. Spesies telu kuwi ditemoni ing Papua. Genus iki langka lan diburu kanggo dipangan. Ekidna saka genus iki nggolèk pangan ing sampah gegodhongan ing alas, yaiku cacing lemah lan srangga.
- Ekidna moncong dawa kulon (Zaglossus bruijini) ing alas dhataran dhuwur.
- Ekidna moncong dawa Sir David (Zaglossus attenborough).
- Ekidna moncong dawa wétan (Zaglossus bartoni); wis ditliti 4 subspesies.
Spesies kang wis punah yaiku:
- Zaglossus robustus; dikenal mung saka fosilé.
- Zaglossus hacketti; uga dikenal mung saka fosilé.
Genus Tachyglossus [sunting]
Ekidna moncong cendhak (Tachyglossus aculeatus) ditemokaké ing bagéyan tenggara Papua lan uga ana ing kabèh lingkungan Australia, saka salju Alpen Australia nganti gurun jero ing dhaérah njero mliginé ing dhaérah endi waé kang ana semut lan rayap. Ukurané luwih cilik tinimbang spesies Zaglossus lan nduwé rambut kang luwih dawa.
Deskripsi [sunting]
Ekidna yaiku mamalia cilik kang awaké ditutupi rambut kasar lan eri.[3] Eri kang ana ing awak Ekidna cacahé nganti 5000 lan ana 2000 sensor medan listrik ing awaké, iki kang ndadèkaké Ekidna nduwé pertahanan kang kuwat lan angèl ditembus.[3] Ekidna nduwé moncong kang fungsiné minangka lambé lan irung. Moncongé dawa lan ramping. Lambéné cilik lan rahangé ora ana untuné, sikilé cendhak lan kuwat lan kuku kang gedhé. Ekidna uga kawentar minangka kéwang sing pinter ndhudhuk. Ekidna mangan kanthi cara mbuka gagang kayu kang empuk, omah semut, lan sajenisé. Kanthi nggunakaké ilat kang dawa lan lèngkèt kang ndawa saka moncongé, Ekidna ngumpulaké mangsané. Ekidnamoncong cendhak padatan mangan semut lan rayap kang akèh, déné spesies Zaglossus padatan mangan cacing lemah lan srangga]].
Kejaba platipus, patang spesies Ekidna yaiku siji-sijiné mamalia kang ngendhog. Betina ngendhog siji kang nduwèni wulu lan cangkang empuk 22 dina sawisé kawin lan nyèlèhaké langsung ing kanthongé. Endhog bakal netes sawisé 20 dina. Ekidna enom banjur ngisep susu saka pori-pori kelenjar susu loro (sabab monotremata ora duwé puting susu lan tetep manggon ing njero kanthong baboné kanggo 40 dina nganti 50 dina. Sasuwéné kuwi, ing aak Ekidna wiwit thukul eriné. Baboné ndhudhuk luwangan kanggo ngrumati anaké lan nyèlèhaké anaké ig njero luwangan mau. Baboné bali saben 5 dina kanggo nyusoni nganti mandheg nyusoni ing sasi kang kaping pitu.
Pranala njaba [sunting]
 |
Wikispecies duwé informasi ngenani |
- "The Enigma of the Echidna" by Doug Stewart, National Wildlife, April/May 2003.
- Scribbly Gum - Australian Broadcasting Corporation online magazine, article "Echidna Love Trains": Echidna spotting, Trains (breeding behaviour), The amazing puggle (young), Species, Dreaming (REM sleep), Managing populations; June 2000
Cathetan Suku [sunting]
- ^ Groves, C. (2005-11-16). Wilson, D. E., and Reeder, D. M. (eds). ed. Mammal Species of the World (cithakan ka-3 ed.). Johns Hopkins University Press. pp. p. 1-2. ISBN 0-801-88221-4. http://www.bucknell.edu/msw3/browse.asp?id=10300002.
- ^ a b c Monotremata](diundhuh 9 Oktober 2012)
- ^ a b (id)5 Hewan yang memiliki senjata tajam(diundhuh 21 Februari 2013)
- Flannery, T.F. and Groves, C.P. (1998) A revision of the genus Zaglossus (Monotremata, Tachyglossidae), with description of new species and subspecies. Mammalia 62, 367-396.
- Parker, J., "Echidna Love Trains", "Scribbly Gum" online magazine.
- Rismiller, P., "Echidnas and Goannas of Kangaroo Island", Earthwatch Institute.
