Chikungunya

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Lemut Aèdès aégypty, kang njalari penyakit Chikungunya

Chikungunya (ing basa Makonde tegesé "kang nglengkuk mandhuwur") yaiku salah sawijiné jenis penyakit kang disebabaké dèning virus serangga-borne saka genus Alphavirus.[1] Penyakit iki ditularaké tumrap manungsa lumantar cokotan lemut Aèdès aégypty. Chikungunya njalari penyakit kanthi gejala kang arep padha karo demam berdarah dengue, kanthi fase demam akut mung rong dina nganti limang dina kang ditutaké penyakit arthralgic kang suwé lan mrabawani sendi-sendi ekstremitas. Rasa lara kang ana gegayutané karo infèksi chikungunya saka sendi kadadéyan sawatara mingggu utawa sasi, utawa ing sawatara taun kasus.[2][3]

Gejala[sunting | sunting sumber]

Masa inkubasi penyakit Chikungunya yaiku rong dina nganti oatang dina. Gejala penyakit ik kalebu demam, ruam petekie utawa makulopapular saka sawatara pérangan awak lan artralgia utawa artritis kang mrabawani sawatara sendi.[4] Gejala nonspesifik liya bisa kalebu ngelu, infèksi konjungtiva, lan fotofobia enthèng. Padatan, demam kadadéyan rong dina suwéné banjur rampung dumadakan.[4] Nanging, ana gejala liyané yaiku ngelu banget, insomnia, lan tingkat ekstrim kang kadadéyan kira-kira limang dina nganti pitung dina.[4]

Chikungunya ing Indonesia[sunting | sunting sumber]

Penyakiy chikungunya sepisanan dicathet ing Tanzania, Afrika ing taun 1952, banjur ing Uganda taun 1963. Ing Indonesia, kejadian luar biasa (KLB) Chikungunya dilapurakéing taun 1982. Demam chikungunya sepisanan dilapuraké ing Samarinda taun 1973.[5], banjur kejangkit ing Kuala Lumpur, Martapura, Ternate, Yogyakarta (1983), Muara Enim (1999), Aceh, lan Bogor (2001). Sawijining wabah Chikungunya ditemokaké ing Port Klang ing malaysia taun 1999, banjur ngrembaka ing dhaérah-dhaérah liya. Wiwitan taun 2001, kadadéyan luwar biasa demam Chikungunya kadadèn ing Muara Enim, Sumatera Kidul, lan Aceh. Disusul ing kutha Bogor ing sasi Oktober. Setahun saterusé, demam Chikungunya kejangkit manèh ing Bekasi, Jawa Kulon, Purworejo, lan Klaten. Diprakirakaké sasuwéné taun 2001 nganti 2003, gunggungé kasus Chikungunya nganti 3.918 jiwa lan tanpa pati kang dijalari penyakit iki.



Cathetan suku[sunting | sunting sumber]

  1. ^ Lahariya C, Pradhan SK (December 2006). "Emergence of chikungunya virus in Indian subcontinent after 32 years: a review" (PDF). J Vect Borne Dis 43 (4): 151–60. http://www.mrcindia.org/journal/issues/434151.PDF.
  2. ^ Powers AM, Logue CH (September 2007). "Changing patterns of chikungunya virus: re-emergence of a zoonotic arbovirus". J. Gen. Virol. 88 (Pt 9): 2363–77. doi:10.1099/vir.0.82858-0. PMID 17698645.
  3. ^ Sourisseau M, Schilte C, Casartelli N, Trouillet C, Guivel-Benhassine F, Rudnicka D, Sol-Foulon N, Le Roux K, Prevost MC, Fsihi H, Frenkiel MP, Blanchet F, Afonso PV, Ceccaldi PE, Ozden S, Gessain A, Schuffenecker I, Verhasselt B, Zamborlini A, Saïb A, Rey FA, Arenzana-Seisdedos F, Desprès P, Michault A, Albert ML, Schwartz O (June 2007). "Characterization of reemerging chikungunya virus". PLoS Pathog. 3 (6): e89. doi:10.1371/journal.ppat.0030089. PMC 1904475. PMID 17604450. //www.pubmedcentral.nih.gov/articlerender.fcgi?tool=pmcentrez&artid=1904475.
  4. ^ a b c (id)Chikungunya(diundhuh 31 Januari 2013)
  5. ^ http://www.sapos.co.id/berita/index.asp?IDKategori=1&id=4829
Sumber artikel punika saking kaca situs web: "http://jv.wikipedia.org/w/index.php?title=Chikungunya&oldid=836300"