Demam berdarah dengue
 |
Wikipedia ora tanggung jawab lan ora bisa njamin yèn informasi kedhokteran sing dipratélakaké ing kaca iki bener. Mangga nyuwun pituduh saka tenaga medhis sing profèsional sadurungé ngayahi pangobatan. |
 |
Artikel iki mbutuhaké cathetan sikil kanggo pamesthèn. Mangga mbantu ndandani artikel iki kanthi nambahaké cathetan sikil. |
| Demam berdarah dengue (Dengue fever) | |
|---|---|
| Classification and external resources | |
 Ciri kulit wong sing kena penyakit dengue fever. |
|
| ICD-10 | ICD-10 Chapter A|A90 |
| ICD-9 | 061 |
| DiseasesDB | 3564 |
| MedlinePlus | 001374 |
| eMedicine | med/528 |
| MeSH | C02.782.417.214 |
Demam berdarah (DB) utawa demam berdarah dengue (DBD) iku penyakit demam akut sing ditemokaké ing dhaérah tropis, kanthi panyebaran geografis sing mèmper malaria. Penyakit iki disebabaké déning salah siji saka papat serotipe virus saka genus Flavivirus, famili Flaviviridae. Saben serotipe cukup béda saéngga ora ana protèksi-silang lan wabah sing disebabaké sawetara serotipe (hiperendemisitas) bisa kedadéan. Demam berdarah disebar marang manungsa déning lemud Aedes aegypti.
[sunting] Tandha lan gejala
Penyakit iki dituduhaké liwat munculé demam tinggi terus terusan, dikanthèni anané tandha perdarahan, contoné ruam. Ruam demam berdarah nduwèni ciri-ciri werna abang padhang. Saliyané iku tandha lan gejala liyané yaiku lara weteng, rasa mual, trombositopenia, hemokonsentrasi, ngelu abot, lara ing sendhi (artralgia), lara ing otot (mialgia). Sawetara kasus bisa nyebabaké sindrom shock dengue sing nduwèni tingkat résiko pepati dhuwur. Kondhisi waspada iki perlu disikapi nganggo kawruh sing jembar déning penderita lan kulawarga sing kudu cepet konsultasi menyang dhokter yèn pasien/penderita ngalami demam tinggi 3 dina terus-terusan. Akèh penderita utawa kulawarga penderita ngalami kondhisi fatal amarga nganggep ènthèng gejala-gejala kasebut.
Sawisé masa tunas / inkubasi sajroning 3 - 15 dina wong sing ketularan bisa ngalami penyakit iki jroning salah siji saka 4 wangun ing ngisor iki :
- Wangun abortif, penderita ora ngrasakaké gejala apa-apa.
- Dengue klasik, penderita ngalami demam tinggi sajroning 4 - 7 dina, nyeri-nyeri ing balung, dikanthèni munculé bintik-bintik utawa bercak-bercak perdarahan ing ngisor kulit.
- Dengue Haemorrhagic Fever (Demam berdarah dengue/DBD) gejalané padha karo dengue klasik ditambah metuné getih (perdarahan) saka irung (mimisen), cangkem, dubur, lsp.
- Dengue Syok Sindrom, gejalané padha karo DBD ditambah syok / presyok. Wangun iki kerep njalari tumekaning pati.
Amarga kerep kedadéyan perdarahan lan syok mula penyakit iki angka pepatiné cukup dhuwur, mula saka kuwi saben Penderita sing diduga kena penyakir Demam Berdarah ing tingkat endi waé kudu cepet digawa menyang dhokter utawa Rumah Sakit, ngèlingi sawayah-wayah bisa ngalami syok / pepati.
Demam berdarah umumé suwéné watara enem utawa pitung dina kanthi puncak demam sing luwih cilik kedadéyan ing pungkasan masa demam. Sacara klinis, gunggung platelet bakal anjlog nganti pasien dianggep afebril.
[sunting] Pranala jaba
- (id) Demam Berdarah Dengue - medicastore
- (en) Info di situs CDC
- (id) www.infeksi.com Penyakit Demam Berdarah
