Trombosit

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Trombosit
Giant platelets.JPG
Gambar saking mikroskop cahaya kanthi perbesaran 40X saking apusan getih pinggir kang dikupengi sel-sel getih abang (eritrosit). Setunggal trombosit ingkang normal saged dipunpirsani ing sisih kiwa inggil gambar (ungu) lan mesthinipun langkung alit kanthi ukuran saking ukuran eritrosit. Kalih trombosit ingkang ageng (ungu wonten nodanipun) ugi saged ketingal.
Latin thrombocytes
Sèl trombosit utawi keping getih

Trombosit utawi keping getih (Keping darah, lempeng darah) (en:platelet, thrombocyte) (el:θρόμβος - "klot" dan κύτος - "sel") inggih menika sèl anuclear nulliploid (boten gadhah inti sèl (nukleus) wonten ing DNA-nipun) kanthi mbentuk wangun ingkang boten rapi kanthi ukuran diameter 2-3 µm[1] ingkang minangka fragmentasi saking megakariosit.[2]. Trombosit kesirkulasi ing salebeting getih lan ndhèrèk ing mekanisme hemostasis tingkat sèl ing prosès koagulasi kanthi mbentuk trombus. Perbandhingan plasma getih trombosit normal udakawis 200.000-300.000 keping/mm³, gunggung sangandhapipun kasebat saged anjalari perdarahan, dene menawi wonten sanginggilipun rentang gunggung menika saged mindhakaken resiko trombosis.

Ciri-ciri[sunting | sunting sumber]

Trombosit nggadhahi wangun ingkang boten teratur, boten wonten werninipun, ukuranipun langkung alit tinimbang eritrosit kaliyan leukosit, ugi gampil pecah menawi kedemèk piranti atos utawi kasar.

Adatipun, ukuran trombosit inggih menika diamèteripun 2-3 mikron, ananging wangun ingkang ageng tuwuh nalika prodhuksi mindhak.[3] Prodhuksi menika dipunkendhalèkaken dèning thrombopoietin. Trombosit tahan sadangunipun 8-10 dinten kaliyan gunggung paling inggil kedadosan sepalih dinten dangunipun.[3] Sawatawis obat saged mindhakaken gunggungipun trombosit kanthi ngrangsang prodhuksi thrombopoietin.[3]

Kaginan[sunting | sunting sumber]

Trombosit gadhang kagunan utama kanggé mbekukaken getih, saéngga boten kathah getih ingkang kabucal nalika kadadosan perdharahan.[4] Trombosit ugi gadhah kaginan sanès, inggih menika migunani sanget kanggé kekebalan badan, inggih menika nguwataken daya tahan badan.[4] Nalika kadadosan tatu, trombosit menika ngempal ing tatu lajeng mbeku saéngga saged nutup tatunipun. Lajeng trombosit kasebat nedahaken baktèri tumuju limpa.[4] Salajengipun, baktèri kasebat dikupengi dèning slè-sèl dendritik kang kaginanipun minangka sèl daya tahan badan. Respon daya tahan badan menika ingkang nelasaken baktèri ingkang wonten ing tatu.[4]

Kinetika[sunting | sunting sumber]

  • Trombosit ingkang dipunkasilaken ing prosès mbentuk sèl getih (thrombopoiesis) ing sumsum balung.
  • Rentang fisiologis kanggé trombosit inggih menika (150 – 400) × 103 per mm3
  • Watawis 1011 trombosit dipunkasilaken saben dinten déning tiyang déwasa ingkang sehat.
  • Wekdalipun gesang trombosit ingkang nyebar inggih menika 5 ngantos 9 dinten.
  • Prodhuksi megakariosit lan trombosit diatur déning thrombopoietin, padatanipun hormon dipunkasilaken déning ati lan ginjel
  • Saben megakariosit ngasilaken antawisipun 5.000 ngantos 10.000 trombosit.
  • Trombosit dipunremuk déning fagositosis ing limpa lan déning Kupfer sel ing ati.
  • Sèrepan trombosit dipunsimpen ing limpa lan diculaken menawi diprelokaken déning kontraksi limpa.

Kelainan Trombosit[sunting | sunting sumber]

Nilai normal trombosit ing tiyang déwasa inggih menika 150.000-400.000 sel/mm3, déné anak 150.000-450.000 sel/mm3. Nilai trombosit ingkang sangandhapipun nilai normal dipunwastani trombositopenia, ingkang saged dipuntemokaken ing penyakit demam berdarah dengue, anemia, tatu bakar, malaria, lan sepsis. Nilai ambang ingkang mbebayani inggih menika kirang saking 30.000 sel/mm3.[5] Déné nilai trombosit ingkang inggil sakingg nilai normal dipunwastani 'trombsitosis, ingkang saged dipuntemokaken ing penyakit sirosis, polisitemia, ibu ingkang nembé ngandhut, sasampunipun olahraga, lan tiyang ingkang nggadhahi oenyakit jantung. Padatanipun trombositosis boten mbebayani, kejawi menawi nilai trombosit ngantos langkung saking 1.000.000 sel/mm3.[5]

Trombosis[sunting | sunting sumber]

Trombosis inggih menika penyakit amargi pembentukan bekuan getih (trombus) ing salebetipun pembuluh getih ngalangi ilinipun getih lumantar sistem peredaran getih. Nalikanipun pembuluh getih tatu, badan ngginakaken trombosit lan fibrin kanggé mbentuk bekuan getih. Amargi langkah sepisan nalika ndansosi (hemostasis) inggih menika nyegah icalipun getih. Menawi mekanisme ingkang anjalari kathah pembekuan, lan bekuan ngaso bébas, kawentuk embolus. Sabab utama ingkang njalari trombosis inggih menika nilai trombosit ing getih ingkang langkung kathah tinimbang nilai normal.[6]

ITP (Immune Thrombocytopenic Purpura)[sunting | sunting sumber]

ITP (Immune Thrombocytopenic Purpura) inggih menika salah satunggaling kelainan getih ingkang jalaranipun sesambetan sanget kaliyan sistem imun utawi kekebalan badan manungsa. ITP menika kelainan ing sel pembekuan getih utawi trombosit ingkang gunggungipun mandhap, saéngga nuwuhaken perdharahan. Normalipun nilai trombosit 150.000-450.000 per mm3, nanging ing tiyang ingkang kenging penyakit ITO gunggungipun namung 20.000-25.000 per mm3. Ciri penyakit ITP inggih menika kulit asring ketingal radi biru, gusi asring getihen, sarta asring mimisen. Amargi trombosit mandhap terus, penyakit ITP menika asring dipunanggep Demam Berdarah (DB).[7]


Cathetan suku[sunting | sunting sumber]

  1. ^ Campbell, Neil A. (2008). Biology (8th ed.). London: Pearson Education. p. 912. ISBN 978-0-321-53616-7. "Platelets are pinched-off cytoplasmic fragments of specialized bone marrow cells. They are about 2-3µm in diameter and have no nuclei. Platelets serve both structural and molecular functions in blood clotting."
  2. ^ (en)Tom Strachan, Andrew P Read (1999). Human Molecular Genetics (2 ed.). Wiley-Liss. p. Figure 2.4. Some cells form by fragmentation or fusion of other cells. ISBN 1-85996-202-5. http://www.ncbi.nlm.nih.gov/bookshelf/br.fcgi?book=hmg&part=A127&rendertype=figure&id=A143. Retrieved 2010-08-12.
  3. ^ a b c (id)Trombosit(dipunundhuh 1 Februari 2013)
  4. ^ a b c d (id)Trombosit untuk kekebalan tubuh(Dipunundhuh 1 Februari 2013)
  5. ^ a b (id)Kadar Trombosit(dipunundhuh 26 Februari 2013)
  6. ^ Apa itu trombosis?(dipunundhuh 26 Februari 2013)
  7. ^ Penyakit ITP kala trombosit darah terus-menerus turun(dipunundhuh 26 Februari 2013)
Sumber artikel punika saking kaca situs web: "http://jv.wikipedia.org/w/index.php?title=Trombosit&oldid=836519"