Leukosit

Artikel pelatihan Papat Limpad 2012 punika perlu dipunrapèkaken supados miturut dhumateng standhar Wikipédia (28 Februari 2013) Ngrapèkaken artikel saged arupi mérang artikel ing paragraf utawi, Wikifikasi Artikel, maringi kategori, gambar, pranala interwiki, tandha diakritik lan ndandosi basa ingkang taksih campuran (krama/ngoko lan basa ngamanca). Saksampunipun dipunrapèkaken, nyuwun supados panitya utawi pangurus busek pesen punika.(Peserta pelatihan boten kénging mbusek pesen punika).

Gambar scanning electron microscope (SEM) getih manungsa kang sirkulasiné normal. Katon eritrosit, sawatara leukosit kang methungul kalebu limfosit, monosit, neutrofil, sarta akh platelet cilik liyané.

Leukosit utawa sèl getih putih (sel darah putih) (Basa Inggris: white blood cell, WBC, leukocyte) yaiku salah sawijiné sel kang mbentuk komponen getih. Leukosit iki nduwé kagunan kanggo mbantu awak nglawan manéka jenis penyakit minangka bagéyan saka sistem kekebalan awak. Leukosit ora nduwé werna, nduwé inti sèl, bisa obah kanthi amoebeid, lan bisa nembus dindhing kapiler kang diarani kemampuan diapedesis. Leukosit nduw bentuk kang manéka werna lan uga ukuran kang luwih gedhé tinimbang eritrosit. Ing kahanan normal kaandhut 4x10⁹ hingga 11x10⁹ leukosit saben liter getih manungsa kang waras udakara 7000-25000 sel saben tètès. Ing saben milimèter kubik getih ana 6000 nganti 10.000 (rata-rata 8000) leukosit. Ing kasus penyakit leukimia gunggungé bisa mundhak nganti 5000 sèl saben tètès.

Ing awak, leukosit ora nduwé gegayutan tenanan karo organ utawa jaringan tartamtu. Leukosit kerja dhéwé kayata organisme sel tunggal. Leukosit bisa obah sagelemé lan interaksi uga nyekel serpihan sel, partikel asing, utawa mikroorganisme kang nyusup. Kajaba kuwi, leuksoit ora bisa mbelah dhiri utawa reproduksi nganggo carané dhéwé, nanging kasil saka sel punca hematopoietic pluripotent kang ana ing sumsum balung.

Leukosit turunan yaiku: sel NK, sel biang, eosinofil, basofil, lan fagosit kalebu makrofaga, neutrofil, lan sel dendritik.

Jenis

Leukosit diklompokaké dadi loro, yaiku leukosit granulosit lan leukosit agranulosit.

Sawatara jenis saka leukosit granulosit utawa sel polimorfonuklear yaiku:

• Basofil.
• Eosinofil.
• Neutrofil.

Déné jenis saka leukosit agranulosit ing plasma getih yaiku:

• Limfosit.
• Monosit.

Kagunan

Kagunan leukosit yaiku kanggo ngayomi awak saka infèksi penyakit sarta mbentuk antibodi ing jero awak. Nalika awak tatu, leukosit iki bakal nglumpuk ing bagéyan awak kang tatu, supaya ora ana kuman penyakit kang mlebu ing tatu kuwi. Kagunan leukosit kuwi disengkuyung karo kemampuan leukosit kang obah kanthi cara amoeboid lan uga sifat fagositosis kang bisa mangan kuman kang mlebu ing awak.

Granulosit lan monosit ing leukosit uga nduwé kagunan wigati nalika ngayomi awak saka kuman-kuman penyakit. Kanthi kemampuan fagosit, bisa mangan baktèri-baktèri urip kang mlebu ing peredaran getih. Kanthi obah amoeboidé, leukosit bisa obah bébas nalika ngubengi kabèh bagéyan awak. Kanthi cara iki, leukosit bisa:

1. ngepung wewengkon kang kena infèksi
2. nyekel kuman-kuman penyakit urip
3. mbuwaki bahan liya kaya regetan-regetan