Eosinofil

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Eosinofil diubengi eritrosit.

Eosinofil (Basa Inggris: eosinophil, acidophil) yaiku leukosit saka klompok granulosit kang nduwé kagunan ing sistem kekebalan awak nalika nglawan parasit multiseluler lan sawatara infèksi ing makhluk vertebrata. Bebarengan karo sel biang, eosinofil uga mèlu ngendhalèkaké alèrgi.

Eosinofil kabentuk ing prosès haematopoiesis kang kadadéyan ing sumsum balung sadurungé pindhah tumuju sirkulasi getih. Eosinofil ngandhut sawatara zat kimiawi, antara liya histamin, eosinofil peroksidase, ribonuklease, deoksiribonuklease, lipase, plasminogen kang disèkrèsiké liwat prosès degranulasi sawisé eosinofil aktif. Zat-zat iki nduwé sipat toksin tumrap parasit lan jaringan awak. Eosinofil kuwi sèl substrat ing réaksi alèrgi. Aktivasi lan ngeculaké racun dèning eosinofil diatur kanthi ketat kanggo nyegah ajuré jaringan kang ora diprelokaké.

Individu normal nduwé rasio eosinofil kira-kira 1 nganti 6% leukosit kanthi ukuran kira-kira 12-17 mikromèter.[1]

Eosinofil bisa ditemokaké ing medula oblongata lan sambungan antarané korteks utek gedhé lan timus, uga ing jero saluran pencernaan, ovarium, uterus, limpa, lan lymph nodes. Nanging ora bisa ditemokaké ing paru-paru, kulit, esofagus, lan organ jero liyané. Ing kahanan normal, anané eosinofik ing wewengkon iki malah minangka dadi pratandha anané sawijining penyakit. Eosinofil bisa tahan ing sirkulasi getih suwéné 8-12 jam lan tahan luwih suwé kira-kira 8-12 dina ing jero jaringan yen ora ana stimulasi.[2]

Eosinofilia[sunting | sunting sumber]

Eosinofilia yaiku gunggung eosinofil kang dhuwur banget ing jero getih. Eosinofilia dudu penyakit nanging respon kanggo sawijining penyakit. Mundhaké gunggung eosinofil ing jero getih padatan nuduhaké respon kang trep tumrap sel-sel abnormal, parasit, utawa bahan-bahan kang njalari alergi.[3] Yèn ana sawijining bahan asing mlebu ing awak, bakal dimangertèni déning limfosit lan neutrofil, kang bakal nguculaké bahan kanggo narik eosinofil menyang dhaérah kwui. Eosinofil banjur nguculaké bahan eacun kang bisa matèni parasit lan ngremuk sel-sel kang abnormal.[3]


Cathetan suku[sunting | sunting sumber]

  1. ^ Young, Barbara; Lowe, joseph o'connell; Stevens, Alan; Heath, John W. (2006). Wheater's Functional Histology (5 ed.). Elsevier Limited. ISBN 0-443-06850-X.
  2. ^ Young, Barbara; Lowe, James S.; Stevens, Alan; Heath, John W. (2006). Wheater's Functional Histology (5 ed.). Elsevier Limited. ISBN 0-443-06850-X.
  3. ^ a b (id)Eosinofilia(diundhuh 24 Februari 2013)
Sumber artikel punika saking kaca situs web: "http://jv.wikipedia.org/w/index.php?title=Eosinofil&oldid=836468"