Cerme

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gambar Cerme

Cerme, Cereme utawa ceremai yaiku salas sawijining wit kang wohe kecut banget.[1] Woh kang kecut iki uga diarani mawa jeneng-jeneng liya kaya ceremoi (Aceh), crhemai (Malaysia), Karmay (Philiphina), mayom (Thailand) lan liyane.[2] Ana ing basa Inggris diarani Otaheite gooseberry, Malay gooseberry lan isih ana aran liya. [2]Jeneng ilmiahe yaiku Phyllanthus acidus.[2]


Wujud[sunting | sunting sumber]

Gambar Woh Cerme

Wit Cerme kelebu wit perdu utawa wit cilik kang dhuwure nganti 9 m, pange endep lan renggang.[1] Yen didelok wit cerme arep padha karo wit blimbing wuluh.[3]

Godhong tunggal, bunder kaya endhog lan pucuke lancip, dhawane 2-7 cm, kasusun ana ing pang kaya godhong majemuk nyirip.[4]

Kembang duwe kelamin tunggal utawa ganda, wernane abang, cacahe 4, kasusun ing malai nganti 12 cm. Woh watu, bunder kang cacahe 6-8 rusuk, kuning rada putih arep padha lilin, diametere bisa nganti 2,5 cm,gumantung dhewekan utawa untaian.[5] Daging buah putih, kecut lan akeh banyune, ing tengahe ana inti kang atos lan wijine 4-6 iji.[3]

Manfaat[sunting | sunting sumber]

Woh Cerme kerep dipangan langsung dicampur karo gula, uyah utawa dirujak. Cerme uga kerep digawe manisan, digodhog (disetup) utawa digawe ombenan kang nyegerake. [3]Godhong kang isih nom dianggo dadi lalapan.[3]


Banyu godhogan oyot cerme digunakake kanggo ngentengake lara asma lan nambani penyakit kulit. Bahan penyamak uga diasilake saka kulit oyote.[4]

Wit cerme kerep ditandhur dadi iyup-iyupan utawa penghias latae lan taman. Wit iki bisa urip ing dhaerah tropis lan subtropis, seneng karo panggonan kang lembab nganti dhuwure kira-kira 1.000 m dpl.[4] Cerme bisa dikembangbiake mawa winih utawa stek.[4]

Panyebaran[sunting | sunting sumber]

Dikira-kira Cerme asale saka Madagaskar. [5]Saiki cerme wis sumebar marang akeh panggonan tropis kaya ing Asia Tenggara (Vietnam, Laos, Indonesia lan Malaya bageyan lor), kepuloan-kepuloan Mauritius, Reunion lan Rodrigues ing Samudra Hindia, sarta ing Guam, Hawai lan kepuloan liya ing Samudra Pasifik.[1]

Tahun 1793, tandhuran iki digawa menyang Jamaika saka Timor lan awet kuwi simebar menyang kabeh kepuloan Karibia, banjur mlebu ing Amerika tengah lan Selatan.[1]

Jinisi Kerabat[sunting | sunting sumber]

Cerme duwe kerabak karo wit malaka (Phyllanthus emblica) lan meniran (P. niruri) kaloro wit kuwi duwe kasiat obat.[5]

Cathetan Suku[sunting | sunting sumber]

  1. ^ a b c d (id)Plantamor (dipunundhuh tanggal 16 februari 2013)
  2. ^ a b c (id)Tanaman Ceremai (dipunundhuh tanggal 16 februari 2013)
  3. ^ a b c d (id)Farmasi UGM (dipunundhuh tanggal 16 februari 2013)
  4. ^ a b c d (id)Natur Indonesia (dipunundhuh tanggal 16 februari 2013)
  5. ^ a b c (id)Tanaman Obat (dipunundhuh tanggal 16 februari 2013)
Sumber artikel punika saking kaca situs web: "http://jv.wikipedia.org/w/index.php?title=Cerme&oldid=836750"