ATR 42

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
ATR 42
Air.wales.atr42.arp.750pix.jpg
ATR 42
 Tipe Montor mabur penumpang régional
 Produsen ATR
 Pisanan mabur 16 Agustus 1984
 Status Aktif
 Pemakai FedEx Feeder
Airlinair
TRIP Linhas Aéreas
Aeromar
 Diproduksi 1984-saiki
 Cacah digawé 401+
 Rega satuan 42-500: $12 - 16 million (2008) [1]
 Varian ATR 72
Vanair ATR-42-320 ing Bandhar Udhara Internasional Port Vila
Air Lithuania ATR 42
Contact Air/Lufthansa Regional ATR 42-500 ing Bandhar Udhara Stuttgart

ATR 42 iku salah siji montor mabur penumpang régional let cedhak kanthi mesin twin-turboprop kang digawé déning perusahaan montor mabur Prancis, ATR. Jeneng "42" asalé saka gunggung kapasitas kursi antarané 40 nganti 50. Montor mabur iki dikembangaké luwih lanjut dadi ATR 72. Montor mabur iki diprodhuksi nalika taun 1981 lan mabur kaping pisanané nalika tanggal 16 Agustus 1984.

Dhesain lan pangembangan[sunting | sunting sumber]

ATR 42-300 diluncuraké nalika taun 1981, kanthi pamaburan pisanané tanggal 16 Agustus 1984; Sèrtifikasi saka Prancis lan Italia diwènèhaké nalika sasi September 1985 lan pamaburan komersial pisanané kadadéyan nalika sasi Desember ing taun kang padha déning Air Littoral saka Prancis.[2] Vèrsi awal saka ATR42 iki mlebu sajroné prodhuksi nganti taun 1996. Pangembangan sabanjuré yaiku ATR42-320 (uga diendheg prodhuksiné taun 1996) kanthi migunakaké mesin kang luwih tenagané PW-121 kanggo performa kang luwih dhuwur lan kahanan panas. ATR42-300QC yaiku vèrsi montor mabur kang bisa diowahi sacara cepet minangka montor mabur penumpang utawa kargo saka vèrsi standhar sèri -300.[3]

Vèrsi prodhuksi saiki yaiku sèri -500. Iki arupa montor mabur generasi anyar kanthi mesin anyar, baling-baling anyar, performa puncak lan panas kang ditingkataké, panambahan kapasitas beban, lan pangembangan kabin penumpang. ATR 42-500 50 kursi pisanan disèrtifikasi sasi Juli 1995.[4] Nalika Januari 2009 kira-kira 401 ATR 42 wis dikirim menyang sekabèhané donya kanthi pesenan nganti 18 montor mabur.[5]

Varian[sunting | sunting sumber]

ATR 42-200[sunting | sunting sumber]

Vèrsi -200 yaiku prototip asli saka ATR 42 lan mung sapérangan kang dibangun kanggo kabutuhan uji coba. Montor mabur iki ditenagai déning mesin Pratt & Whitney Canada PW120 ing 1800 tenaga jaran.[6]

ATR 42-300[sunting | sunting sumber]

Vèrsi -300 yaiku vèrsi prodhuksi standhar. Modhèl iki diprodhuksi nganti taun 1996. Montor mabur iki ditenagai déning mesin Pratt & Whitney Canada PW120 ing 1800 tenaga jaran.

ATR 42-320[sunting | sunting sumber]

Vèrsi -320 arupa vèrsi pangembangan saka -300 kang ditenagai déning mesin PW121 (1900 dk). Montor mabur iki dirancang kanggo performa luwih apik ing kahanan dhuwur lan panas.[6]

ATR 42-400[sunting | sunting sumber]

Vèrsi -400 yaiku jeneng resmi kanggo vèrsi penumpang saka ATR 42 "Surveyor". Vèrsi -400 yaiku vèrsi pangembangan saka -200/300/320 nggunakaké baling-baling enem bilah kanthi mesin kang padha PW120/PW121. Panganggo utama saka jenis montor mabur iki yaiku Conviasa lan CSA Czech Airlines.

ATR 42-500[sunting | sunting sumber]

ATR-500 yaiku vèrsi prodhuksi saiki. Pangiriman sepisanan dilakokaké nalika Oktober 1995. Vèrsi iki yaiku dhesain kang bener-bener anyar kanthi pangembangan kanggo performa lan kanyamanan penumpang. Montor mabur iki migunakaké mesin anyar, baling-baling anyar, dhesain kabin anyar, lan paningkatan kapasitas beban. Montor mabur iki nggunakaké baling-baling enem bilah sing diputer déning mesin PW127E kanthi tenaga 2400 dk kanggo performa dhuwur lan panas lan ningkataké kacepetan njlajah. Mesin isa digunakaké nganti suhu udhara +45C. Baling-baling dikendhalèkaké sacara penuh déning sistem èlèktronik lan nggunakaké matérial komposit. Iki uga ningkataké beban maksimum lepas landhas, kang mungkinaké kargo luwih akèh lan let tempuh luwih tekan 1,500 nm.

Operator[sunting | sunting sumber]

Operator sipil[sunting | sunting sumber]

ATR 42-500 ing bandhara Toliara, Madagaskar

Operator paling gedhé saka ATR-42 yaiku FedEx Express, Airlinair, TRIP Linhas Aéreas, lan maskapai saka Mexico City Aeromar. Gunggung montor mabur nalika 15 Oktober 2009:

Watara 70 maskapai liya ngoprasikaké montor mabur iki kanthi gunggung kang luwih cilik.[7]

Operator militèr lan pamaréntah[sunting | sunting sumber]

Cithakan:GAB
Flag of Italia Italia
  • Panjaga Pesisir Italia (3 ATR 42 MP)
  • Pulisi Kauangan Italia (Guardia di Finanza) (5 ATR 42 MP)
Bendera_Libya Libya


  • Pamaréntah Libya (Siji ATR42 MP jroning pesenan kanggo pangiriman 2009)
Cithakan:NGA
  • Angkatan Udhara Nigeria (Loro ATR 42 MPs dipesen kanggo pangiriman 2009, siji dikirim nalika Desember 2009, siji dikirim nalika awal 2010 )[8]

Spésifikasi[sunting | sunting sumber]

Kategori ATR 42-500 ATR 72-500
Kru pamaburan Loro
Pramugari Siji Loro
Kapasitas penumpang (kelas tunggal) 44-50 68-74
Dawa 22.67 m (74 ft 5 in) 27.16 m (89 ft 2 in)
bentang swiwi 24.57 m (80 ft 7 in) 27.05 m (88 ft 9 in)
dhuwur 7.59 m (24 ft 11 in) 7.65 m (25 ft 1 in)
Bobot kosong (kg) 11,250 12,950
MTOW (kg) 18,600 22,500 (basis)
22,800 (opsi)
Dawa landhesan nalika MTOW 1,165 m (3,822 ft) 1,290 m (4,232 ft)
Tenaga Pratt & Whitney Canada PW127E Pratt & Whitney Canada PW127F/M
Kacepetan maksimum 300 kts (555 km/jam) 276 kts (511 km/jam)
Let tempuh 1,611 km / 1,001 mil 1,500 km / 932 mil
Dhuwuring jlajah 25,000 ft (7,600 m)

[9][10]

Cathetan sikil[sunting | sunting sumber]

  1. ^ http://www.atraircraft.com/public/atr/html/upload/doc/4884a71837e47ATR42.pdf
  2. ^ Detailed Milestones www.atraircraft.com
  3. ^ [1] www.airliners.net
  4. ^ [2] www.airliners.net
  5. ^ [3] www.atr.fr
  6. ^ a b ATR 42-300/320
  7. ^ Flight International, 3–9 October 2006
  8. ^ http://www.aviationnews.eu/2010/03/29/alenia-aeronautica-delivers-second-atr-42-mp-to-the-nigerian-air-force/ www.aviationnews.eu
  9. ^ [4] Prodhuk ing www.atraircraft.com
  10. ^ [5] Prodhuk ing www.atraircraft.com

Pranala jaba[sunting | sunting sumber]

Commons-logo.svg
Wikimedia Commons gadhah galeri bab:


Sumber artikel punika saking kaca situs web: "http://jv.wikipedia.org/w/index.php?title=ATR_42&oldid=864047"