ATR 72

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
ATR 72
MZATR72.jpg
ATR 72 duwèkané Merpati ing Bandhar Udhara Internasional Ngurah Rai, Denpasar, Bali
 Tipe Montor mabur penumpang régional
 Produsen ATR
 Pisanan mabur 27 Oktober 1988
 Status aktif
 Pemakai American Eagle
Kingfisher Airlines
Binter Canarias
Jet Airways
 Diproduksi 1988 – saiki
 Cacah digawé 408
 Rega satuan 72-500: $16.5 - 20 yuta (2008) [1]
 Acuan ATR 42

ATR 72 yaiku montor mabur penumpang régional let cedhak kanthi mesin twin-turboprop kang dibangun perusahaan montor mabur Prancis-Italia ATR. Montor mabur iki nduwèni kapasitas nganti 78 penumpang sajroné konfigurasi kelas tunggal lan dioprasikaké déning 2 kru pemabur.

Pangembangan[sunting | sunting sumber]

Bangkok Airways ATR 72-500 ing Bandhar Udhara Luang Prabang, Laos
ATR 72 duwèkané Aer Arann saka Irlandia lepas landhas

ATR 72 dikembangaké saka ATR 42 sajroné upaya kanggo ningkataké kapasitas penumpang (saka 48 dadi 78) kanthi ndawakaké lambung montor mabur nganti 4.5 m (14 ft 9 in), ningkataké dawa swiwi, mènèhi mesin kang luwih gedhé tenagané, lan ningkataké kapasitas bahan bakar nganti 10 persèn. ATR 72 diluncuraké taun 1986,[2] lan ngleksanakaké pamaburan pisanané nalika tanggal 27 Oktober 1988. Pas setaun sakwisé iku, yaiku tanggal 27 Oktober 1989, Finnair dadi maskapai pisanan kang migunakaké montor mabur kasebut sajroné pamaburan.[3]

Kira-kira 408 ATR 72 wis dikirim menyang sekabèhané donya kanthi gunggung pesenan nganti 28 montor mabur luwih.

Dhesain[sunting | sunting sumber]

Penumpang ngleboni montor mabur migunakaké lawang mburi (kang langka banget digunakaké sajroné montor mabur penumpang) wondéné lawang ngarep digunakaké kanggo nglebokaké kargo. Finnair mesen ATR 72 kanggo dhèwèké kanthi lawang penumpang ngarep nganti dhèwèké isa migunakaké garbarata jèt ing Bandhar Udhara Helsinki-Vantaa.[4]

Ganjelan buntut kudu dipasang nalika penumpang metu utawa mlebu montor mabur sajroné kasus yèn irung montor mabur kaangkat, kang kerep kedadéyan kargo lan penumpang metu lan mlebu kanthi prosedhur kang salah.

Montor mabur ATR ora duwé Auxiliary Power Unit (APU) kayadéné umumé montor mabur liya , APU mung arupa pilihan tambahan lan bakal disèlèhaké ing bagéyan kargo C4. Sebagéyan gedhé montor mabur dijangkepi kanthi rèm baling-baling (biyasané diarani minangka "Hotel Mode") kang ngendhegaké baling-baling ing mesin #2 (tengen), mungkinaké mesin kanggo urip lan nyepakaké udhara lan tenaga kanggo montor mabur tanpa muter baling-baling. Rèm baling-baling kasebut arupa panggunan kang ora wigati, lan akèh maskapai ngeculaké rèm kasebut, lan akiré perusahaan ngilangaké saka montor mabur sakpenuhé. Iki ngilangaké kabutuhan abot tambahan lan pametu kanggo perawatan APU lan rèm baling-baling.[5]

Varian[sunting | sunting sumber]

Arkia ATR 72-500 parkir ing Bandhar Udhara Eilat, Israel

ATR 72-100[sunting | sunting sumber]

Loro sub-tipe dipasaraké minangka sèri 100 (-100)

ATR 72-101
Varian prodhuksi awal ditenagani 2 mesin PW124B lan disèrtifikasi sasi September 1989.
ATR 72-102
Varian kang ditenagani PW124B disèrtifikasi sasi Desember 1989

ATR 72-200[sunting | sunting sumber]

Loro sub-tipe dipasaraké minangka sèri 200 (-200). Vèrsi -200 iku vèrsi prodhuksi awal, ditenagani kanthi mesin Pratt & Whitney Canada PW124B kanthi tenaga 2400 dk.[6]

ATR 72-201
Varian -101 kanthi MTOW luwih gedhé, varian kanthi mesin PW124B disèrtifikasi sasi September 1989.
ATR 72-202
Varian -102 kanthi MTOW luwih gedhé, varian kanthi mesin PW124B disèrtifikasi sasi Desember 1989.

ATR 72-210[sunting | sunting sumber]

Loro sub-tipe dipasaraké minangka sèri 210 (-210), vèrsi -211, (lan kang kanthi lawang kargo luwih gadhé, disebut vèrsi -212), yaiku vèrsi -200 kanthi mesin PW127 kang ngasilaké tenaga 2750 dk kang kabèh dikembangaké kanggo kahanan panas lan kadhuwuran luwih. Dibédakaké andhedhasar jenis lawang utama lan lawang dharurat.

ATR 72-211
Ditenagani PW127 disèrtifikasi sasi Desember 1992
ATR 72-212
Ditenagani PW127 disèrtifikasi sasi Desember 1992

Operator[sunting | sunting sumber]

ATR 72 Air Dolomiti.

Nalika 25 November 2009:

Pesenan paling gedhé kayata:

Spésifikasi[sunting | sunting sumber]

Kategori ATR 42-500 ATR 72-500
Kru pamaburan Loro
Pramugari Siji loro
Kapasitas penumpang (kelas tunggal) 44-50 68-74
Dawa 22.67 m (74 ft 5 in) 27.16 m (89 ft 2 in)
Bentang swiwi 24.57 m (80 ft 7 in) 27.05 m (88 ft 9 in)
Dhuwur 7.59 m (24 ft 11 in) 7.65 m (25 ft 1 in)
Bobot kosong (kg) 11,250 12,950
MTOW (kg) 18,600 22,500 (basis)
22,800 (opsi)
Dawa landhesan nalika MTOW 1,165 m (3,822 ft) 1,290 m (4,232 ft)
Tenaga Pratt & Whitney Canada PW127E Pratt & Whitney Canada PW127F/M
Kacepetan maksimum 300 kts (555 km/jam) 276 kts (511 km/jam)
Let tempuh 1,611 km / 1,001 mil 1,500 km / 932 mil
Dhuwuré panjlajahan 25,000 ft (7,600 m)

[8][9]

Cathetan sikil[sunting | sunting sumber]

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:

Sumber artikel punika saking kaca situs web: "http://jv.wikipedia.org/w/index.php?title=ATR_72&oldid=884959"