Xylocopa latipes

Saka Wikipédia Jawa, bauwarna mardika basa Jawa

Tawon kayu
Xylocopa latipes mènclok ing tlatah kutha ing laladan tropis
Klasifikasi ngèlmiah e
Karajan: Animalia
Filum: Arthropoda
Klas: Insecta
Ordho: Hymenoptera
Famili: Apidae
Subfamili: Xylocopinae
Génus: Xylocopa
Spésies: X. latipes
Jeneng binomial
Xylocopa latipes
(Drury, 1773)

Tawon kayu, Xylocopa latipes, iku spésies saka tawon kayu kang sumebar ing Asia Kidul-wétan. Asring diarani minangka kumbang, nanging kéwan ini luwih trep kalebu jinis tawon. Tawon iki mapan ing alas tropis  lan gawé susuh kanthi mbolongi kayu. tawon iki gawé bolongan jero in kayu balungan omah, kayu mati lan ora tinemu gawé bolongan ing wit-witan kang isih urip

Tawon iki sepisanan diterangaké déning ahli éntomologi, Dru Drury ing 1773, lan kalebu tawon kang urip dhèwèkan tanpa koloni (Kulawarga Apidae).

Tawon kayu iki kalebu gedhé banget, giras, lan urip dhéwékan. Awaké ireng gilap, kanthi suwiwi bening semu metalik biru-ijo nalika kesorot srengéngé. Tawon iki  bokmanawa anggota  Xylocopa paling gedhé kang wus ditemoni, sanajan isih ana tawon kang luwih gedhé, aran  Megachile pluto kang uga saka Indonésia. 

Susuh[besut | besut sumber]

Ing Malaysia, tawon asring milih gawé susuh ing kayu ragangan wewangunan. Tawon iki bisa mbolong kayu kang atos, gawé lèng ing kayu cacah 3-5, kang jeroné udakara 11 cm lan gedhéné 2,1-2,3 cm.[1]

Tawon kayu iki milih gawé susuh ana ing kayu mati lan pring. Kayu kang disenengi kaya ta Syzygium cumini, Cassia siamea, Dyera costulata (jelutong), Agathis alba , Alstonia spp. (pulé), lan Shorea spp. (meranti).[2]

Penyerbuk ing kembang[besut | besut sumber]

Tawon kayu digunakaké ing Pilipina kanggo ngawinaké kembang markisa. Uga ing Indonésia lan Malaysia lan nagara Asia Kidul-wétan liyané. Megaré kembang markisa salaras karo uripé tawon kayu, nuduhaké raketé sesambungan antarané loro spésiès iku.

Rujukan[besut | besut sumber]

  1. Mardan, M., Yatim, Ismail, M. lan Raji Khalid, Mohd. (1991). "Nyarang Biologi lan Foraging Kegiatan saka Carpenter Tawon ing Passion Woh". Acta Hort. (ISHS) 288: 127-132 [1].
  2. Robinson, William H. "Handbook saka Kutha Serangga lan Arachnids". 227