Entomologi

Saka Wikipédia Jawa, bauwarna bébas abasa Jawa
Sebahagian koleksi kumbang

Cithakan:Zoologi Entomologi (saking Greek ἔντομος, entomos, "ingkang punika dipunkethok wonten ing wujud lembaran / pérangan", mila "insect"; lan -λογία, -logia[1]) inggih punika èlmu ingkang nyinaoni bab serangga. Ananging, tegesipun punika ugi dipunwiyaraken kanggé nyinaoni bab artropoda (kewan ingkang gadhah ros-ros]] anesipun, mliginipun temangga lan kerabatipun (Arachnida utawi Arachnoidea), saha luwing lan kerabatipun (Millepoda lan Centipoda). Teges punika asalipun saking kalih tembung Latin inggih punika entomon ingkang tegesipun serangga lan logos ingkang tegesipun ngèlmu kawruh.[2]

Kajian Entomologi[besut | besut sumber]

Minangka satunggaling dhisiplin ngèlmu ingkang sampun ngrembaka kanthi rikat, entimologi saged dipunpérang dados kalih cabang èlmu, inggih punika Entomologi Dhasar lan Entomologi Terapan. Entomologi Dhasar kapérang malih dados sub- sub cabang ngèlmu ingkang langkung wigati, ing antawisipun inggih punika:

  1. Morfologi Serangga inggih punika ngèlmu ingkan nyinaoni wujud lan struktur badanipun serangga, padatanipun langkung nengenaken wonten ing wujud lan struktur njawinipun badanipun serangga.
  2. Anatomi lan Fisiologi Serangga, inggih punika èlmu ingkang nyinaoni struktur organ lebetipun serangga saha fungsinipun.
  3. Perilaku Serangga, inggih punika ngèlmu ingkang nyinaoni punapa ingkang kedah dipuntumindakaken déning serangga, lan kénging punapa serangga nindakaken perkawis kasebat.
  4. Ekologi Serangga, inggih punika ngèlmu ingkang nyinaoni hubunganipun serangga kaliyan lingkunganipun saking lingkungan biotik (organisme sanèsipun) utawi lingkungan abiotik, (faktor fisik lan kimia).
  5. Patologi Serangga, inggih punika ngèlmu ingkang nyinaoni serangga ingkang lara saking ing tingkat piyambakan (patobiologi) utawi ing tingkat populasi (epizootiologi).
  6. Taksonomi Serangga, inggih punika ngèlmu ingkang nyinaoni bab tata nama lan penggolonganipun serangga.

Déné entomologi terapan, sak punika sampun dipunperang dados sub- sub dhisiplin ingkang langkung wigati, inggih punika:

  1. Entomologi Forensik, ingkang fokus kajianipun wonten ing panaliten bab sedaning manungsa kanthi ngginakaken serangga minangka dalan pitedahipun. Jinis, fase pagesangan lan suksesi serangga ingkang ngrubungi mayit, kados ta jinis laler, tuladhanipun Cochliomyia macellaria, Hydrotaea aenescens,

lan Sarcophaga haemorrhoidalis lan kumbang bangke kados ta Nicrophorusorbicollis lan Necrophila americana ingkang dipun-ginakaken kanggé mredhiksi wekdal lan papan sedanipun manungsa ingkang sampun mati kala wau.

  1. Entomologi kadhokteran (Medical Entomology), ingkang dados fokus kajianipun inggih punika wonten ing golonga serangga ingkang ngganggu manungsa, saking punika ingkang langsung nyokot mangsanipun kados ta tawon, lebah, kutu, lan serangga ingkang gadhah wisa sanèsipun, utawi ingkang boten langskung kados ta ingkang dados vektor lelara, tuladhanipun laler, lemut, kecoa, lan pinjal.
  2. Entomologi Peternakan (Veterinary Entomology)
  3. Entomologi perkotaan (Urban Entomology)
  4. Entomologi Kehutanan (Forest Entomology)
  5. Entomologi Pertanian (Agricultural Entomology)

Cathetan suku[besut | besut sumber]

  1. ^ Liddell, Henry George and Robert Scott (1980). A Greek-English Lexicon (Abridged Edition). United Kingdom: Oxford University Press. ISBN 0-19-910207-4. 
  2. ^ ENTOMOLOGI (dipunundhuh tanggal 8 Pebruari 2013)
  • Chiang, H.C. and G. C. Jahn 1996. Entomology in the Cambodia-IRRI-Australia Project. (in Chinese) Chinese Entomol. Soc. Newsltr. (Taiwan) 3: 9-11.
  • Davidson, E. 2006. Big Fleas Have Little Fleas: How Discoveries of Invertebrate Diseases Are Advancing Modern Science University of Arizona Press, Tucson, 208 pages, ISBN 0-8165-2544-7.
  • Triplehorn, Charles A. and Norman F. Johnson (2005-05-19). Borror and DeLong's Introduction to the Study of Insects, 7th edition, Thomas Brooks/Cole. ISBN 0-03-096835-6. — a classic textbook in North America.
  • Grimaldi, D. & Engel, M.S. (2005). Evolution of the Insects. Cambridge University Press. ISBN 0-521-82149-5. 
  • Capinera, JL (editor). 2008. Encyclopedia of Entomology, 2nd Edition. Springer. ISBN 1-4020-6242-7.

ed:Entomology