Wikipédia:Angkringan Basa

Angkringan Basa

Papan iki kanggo sapa baé kang arep takon utawa ngrembug prakara basa Jawa kang gegayutan Wikipédia Jawa. Yèn kowé kangèlan anggoné nggolèk tembung utawa pertalan (tarjamahan) Jawa kang trep nalika nulis artikel, mangga maraa ing kéné saperlu nggenahaké prakaramu. Wong liya bokmanawa bakal awèh panemu utawa pitulung. Aksara Jawa ing Wikipédia migunakaké Wewaton Sriwedari . Rembug bab samubarang kajaba bab basa Jawa bisa koaturaké ing Angkringan Liyané. Gawé rembug anyar!

Kabèh rembug ing angkringan iki kasimpen ing arsip ing isor iki.

Arsip miturut taun: 2017–2019 | 2020–2029

Balik munggah

Paugeran Paugeran maringi nami artikel Pranala jaba Pedoman Umum Éjaan Basa Jawa (PUÉBJ) Léksikon basa Jawa (jroring) Kamus bahasa Indonésia-Jawa SEAlang Library Javanese Dictionary (jroring)

"Nayakotama" utawa "mahamantri"?

"Perdana menteri" iku istilahé kang trèp kanggo basa Jawa apa, ya? Kula niliki kaca iki kok irah-irahané "nayakotama", nanging ing wiwitané artikel malah "mahamantri". Rinai Natsumi (rembugan) 1 Oktober 2025 06.05 (UTC)

Sajatiné patih. Nayakotama lan mahamantri iku katoné rékan waé. Meursault2004^ngobrol 20 Dhésèmber 2025 23.43 (UTC)

Nganggem basa nopo

Ndalem badhe nyuwun pirsa mawi panulisan artikel puniko kedah nganggem boso kromo, madya, utawi ngoko. Matur nuwun

Yanu Tri (rembugan) 15 Januari 2026 16.34 (UTC)

@Yanu Tri, Sampéyan saged ngagem basa krama utawi ngoko ing Wikipedia Jawa niki. Menawi kapéngin ngagem basa krama, artikelipun saged dipuntengeri ngagem template {{Artikel ing krama}}. — Labdajiwa (rembugan) 24 April 2026 03.38 (UTC)

Ngripta tembung andhahan

Saiki akèh banget artikel basa Jawa kang njeroné isih ana istilah-istilah utawa tetembungan kang ora dipertal tumuju basa Jawa alias isih awujud basa Indonesia utawa Melayu. Saliyané kuwi, isih akèh naraguna kang mertal artikel utawa kaca tanpa nggatèkaké kasugihan tetembungan Jawa kang isa ngganti istilah njaba utawa istilah Indonesia. Iki wis kalebu kahanan darurat sastra basa Jawa.

Contoné tetembungan andhahan kaya "perkembangan", "pertimbangan", "keterbatasan", "keterbelakangan", "kebersamaan" , lan "perbandingan" kuwi ora dipertal amarga akèh naraguna kang durung ngerti lan nggawé tetembungan basa Jawa anyar kang trep lan baku. Malah akèh naraguna kang mung ngganti ejaan tok kayata "parkembangan" lan "perbandhingan". Tembung-tembung tèknis kaya paru-paru (basa jawané kebuk), napas (basa jawané ambegan), vertebrata (basa jawané jejangkrongan) lan saliyané uga ora dipertal blas, padahal wis ana web sastra.org kang gampang dibukak lan jangkep kandhutané.

Amarga kuwi, kula nyanjang menawa wuwuhan "keter-....-an" ditrepaké waé karo wuwuhan "ka-...-in-....-an lan wuwuhan "keber-....-an" ditrepaké wae karo wuwuhan "ka-...-um-....-an. Tembung andhahan "per-....-an" uga Isa ditrepaké karo wuwuhan "pra-" (kayata prabèda : perbedaan) utawa wuwuhan "pi-" (kayata pitutur).

• Perkembangan -> parembakan
• Pertimbangan -> pratimbang
• Keterbatasan -> karinupitan
• Kebersamaan -> kasumarengan
• Perbandingan -> pibanding

@Rinai Natsumi @Meursault2004 Manggisjeruk (rembugan) 1 Juni 2026 14.22 (UTC)

Iya sarujuk. Ning luwih mrihatinaké sing nulis artikel nganggo Google Translate tanpa dirapèkaké. Meursault2004^ngobrol 3 Juni 2026 11.03 (UTC)

Kayané kudu ana paugeran utawa padhuman kusus kang kena digawé lan dijlèntrèhaké marang peserta Wikilatih Basa Jawa LAN naraguna Wikipedia Basa Jawa Manggisjeruk (rembugan) 5 Juni 2026 13.15 (UTC)

Coba mengko takgagasé sithik. Sajatiné wis ana, nanging kurang apik. Wikipédia:Paugeran mertal artikel. Banjur ana manèh: para peserta kerep nulis "rujukan". Ing basa Jawa tembung iki tegesé namung setuju, rukun utawa balènan karo bojo sing wis kapegat. Tembung réferènsi luwih cocog lan uga kapacak ing Bausastra Jawa wetonan Balé Basa Yogyakarta. Meursault2004^ngobrol 6 Juni 2026 08.41 (UTC)