Wayang gremeng

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Wayang gremeng inggih punika istilah umum ing jagat pagelaran seni tradhisional ingkang ngemu teges pagelaran wayang ingkang dipuniring kanthi ngginakaken tutuk (a capela) ingkang ungelipun mèmper kaliyan suwanten gamelan[lower-alpha 1]. Kasenian punika asalipun saking tlatah Tegal, Jawa Tengah. Kados pagelaran wayang limrahipun, wayang gremeng dipunpangarsani déning dhalang nailka nyuguhaken cariyos, dipunbiyantu déning sawenèh nayaga[lower-alpha 2] ingkang ngiringi kanthi ngginakaken tutukipun lan ugi ngginakaken pakeliran lan wayang. Limrahipun cariyos ingkang kasuguhaken inggih punika cariyos Mahabharata. Ing tlatah Banyumas, wayang gremeng ugi misuwur kanthi aran wayang jemblung. Tokoh wigatos ing pagelaran wayang gremeng antawisipun Slamet Gundono lan Enthus Susmono, sinaosa piyambakipun kekalih ugi nelateni wayang konservatif.[1][2]

Ugi pirsani[besut | besut sumber]

Cathetan suku[besut | besut sumber]

  1. Nggremeng sajatosipun ngendikan mboten cetha utawi nggrundel. Wonten pagelaran punika, iringan dipuncakaken kanthi cara nggremeng namung tansah njagi kaliyan suwanten gamelan
  2. Nayaga inggih punika tiyang-tiyang ingkang ngiringi pagelaran ketoprak utawi wayang kanthi ngginakaken sepangkon gamelan

Rujukan[besut | besut sumber]

  1. Library-Lontar: Wayang Gremeng kapundhut 3 Juli 2017
  2. Suara Merdeka: Wayang Gremeng di Jaten kapundhut 3 Juli 2017