Veit Erlmann
Veit Erlmann ya iku ahli antropologi lan ètnomusikolog saka Essen, Jerman, kalairan taun 1951[1][2][3]. Riwayat pandhidhikané Veit nalika ing pawiyatan luhur ya iku ana ing Free University ing Berlin (gelar MA taun 1974), University of Cologne (gelar Ph.D. taun 1978 lan Dr.habil taun 1990)[1][4]. Sabanjuré, nampa gelar Dr.habil. saka ing Free University ing Berlin taun 1994. Veit wis nglakoni panlitian antropologis ing werna-werna panggonan, ya iku antarané Kamerun (1975, 1995), Niger (1979), Lesotho (1982), Afrika Kidul (1981-1986), Ghana (1988), lan Ekuador (1989)[1][2]. Karya-karya akademis kang tinulis déning Veit ya iku African Stars: Studies in Black African Performance (1991), Nightsong: Performance, Power, and Practice in South Africa (1995), ‘The aesthetics of the global imagination: reflections on world music in the1990s’ kang ana ing jurnal Public Culture (1996), lan Music, Modernity, and the Global Imagination: South Africa and the West (1999)[1][4]. Ing akhir taun 1990, dhèwèké naté ana panlitian ing Indonesia, khususé Jawa lan Sumatra bab sujarah musik[1]. Dhèwèké uga naté nampa pangaji Alan P. Merriam minangka pamenang ing bab ètnomusikologi[1][4].
Rujukan[besut | besut sumber]
- ↑ a b c d e f Amit, Vered (2004). Biographical Dictionary of Social and Cultural Anthropology. London: Routledge. kc. 200. ISBN 020364459X. OCLC 436848672.
- ↑ a b "Veit Erlmann | Butler School of Music - The University of Texas at Austin". music.utexas.edu (ing basa Inggris). Diarsip saka sing asli ing 2020-10-21. Dibukak ing 2018-01-05.
- ↑ "Home | Veit Erlmann". www.veiterlmann.net (ing basa Inggris). Dibukak ing 2018-01-05.
- ↑ a b c "Curriculum vitae | Veit Erlmann". www.veiterlmann.net (ing basa Inggris). Dibukak ing 2018-01-05.