Tlalé gajah

Tlalé gajah
Heliotropium indicum
Takson
	Masalah Lua ing package.lua larik 80: module 'Modul:Wikidata/labels' not found.
Spesies	Heliotropium indicum; Linnaeus, 1753

Tlalé gajah utawa Gajahan utawa Uler-uleran utawa Sangketan ya kuwi sawijining jinis suket kang pucuk galihé mlungker kaya déné tlalé gajah utawa uler. Tuwuhan sing duwé jeneng èlmiyah Heliotropium indicum iki akèh ditemoni ing pinggir dalan, pinggir tegalan lan ara-ara. Ing tlatah liya, tethukulan iki sinebut kanthi jeneng bandotan lombok, buntut tikus, ekor anjing, tusuk kondhé, cocok bero, djingir ajam, lan langun.

Wedharan[besut | besut sumber]

Suket kang bisa tuwuh nganti dhuwur 1 mèter iki minangka tuwuhan taunan sing duwé galih kuwat, kasar lan duwé cawang. Oyodé tunggang. Godhong ijo bunder kanthi dawa 3-15 sèntimèter lan amba 2-10 sèntimèter. Kembangé dawané 2–3 mm werna putih.^[1] Tuwuhan iki asalé saka Asia lan nyebar ing Amèrikah Sarékat.^[2] Wit iki akèh ditemokaké ing tlatah kanthi mangsa tropis, subtropis nganti sedhengan. Suket iki akèh ditemoni ing pinggir dalan, ara-ara, papan sing akèh sunar srengéngé, dhataran cendhèk nganti dhuwur 800 mèter sakduwuré samodra.^[3]

Piguna[besut | besut sumber]

Kabèh perangan tuwuhan iki bisa dimupangataké dadi tamba. wiwit saka oyod tumeka godhong.^[4] Mupangat saka tethukulan iki kaya déné:

Nambani kencing watu
Netralisir upas
Ngatasi awak mriang ing bocah
Ngobati watuk
Ngobati migrain
Nambani gondhongen
Nambani candidiasis
Ngatasi haid kang ora lancar
Ngobati gatel
Nambani bisul^[5]

Cara migunakaké tuwuhan iki ya kuwi kanthi nggodhog perangan saka suket iki ing banyu umub banjur diombé.

Èfèk samping[besut | besut sumber]

Tuwuhan iki duwé zat kaya ta pyrrolizidine alkaloid indicine, indicine-N-oxide, acetyl-indicine, indicinine, heleurine, heliotrine, supinine, supinidine, lan lindelofidine menawa dikonsumsi ing gunggung akèh lan wektu suwé bisa marai èfèk toksik kumulatif ing ati.^[6]

Gladri[besut | besut sumber]

Tuwuhan uler-uleran kang lagi ngembang
Suket tlalé gajah
Tlalé gajah tuwuh ing galengan
Tlalé gajah

Deleng uga[besut | besut sumber]

Pecut jaran

Bérokan

Suket mutiyara

Kapustakan[besut | besut sumber]

↑ "Heliotropium indicum (Indian heliotrope)". CABI Invasive Species Compendium. Dibukak ing 2020-07-13.
↑ "Heliotropium indicum (Indian heliotrope): Go Botany". gobotany.nativeplanttrust.org. Dibukak ing 2020-07-13.
↑ Jitunews.com (2015-07-18). "Sangketan, Terna Ampuh Peluruh Infeksi Paru". Jitunews.com (ing basa Indonesia). Diarsip saka sing asli ing 2020-07-13. Dibukak ing 2020-07-13.
↑ VIVA, PT VIVA MEDIA BARU- (2016-12-15). "Sangketan, Rumput Liar yang Kaya Manfaat". www.viva.co.id (ing basa Indonesia). Dibukak ing 2020-07-13.
↑ brilio.net. "Mengenal daun sangket, tanaman liar yang kaya manfaat". brilio.net (ing basa Inggris). Dibukak ing 2020-07-13.
↑ "Useful Tropical Plants". tropical.theferns.info. Dibukak ing 2020-07-13.

[1] "Heliotropium indicum (Indian heliotrope)". CABI Invasive Species Compendium. Dibukak ing 2020-07-13.

[2] "Heliotropium indicum (Indian heliotrope): Go Botany". gobotany.nativeplanttrust.org. Dibukak ing 2020-07-13.

[3] Jitunews.com (2015-07-18). "Sangketan, Terna Ampuh Peluruh Infeksi Paru". Jitunews.com (ing basa Indonesia). Diarsip saka sing asli ing 2020-07-13. Dibukak ing 2020-07-13.

[4] VIVA, PT VIVA MEDIA BARU- (2016-12-15). "Sangketan, Rumput Liar yang Kaya Manfaat". www.viva.co.id (ing basa Indonesia). Dibukak ing 2020-07-13.

[5] rilio.net. "Mengenal daun sangket, tanaman liar yang kaya manfaat". brilio.net (ing basa Inggris). Dibukak ing 2020-07-13.

[6] "Useful Tropical Plants". tropical.theferns.info. Dibukak ing 2020-07-13.

[1]

[2]

[3]

[4]

[5]

[6]