The Sun Also Rises

Saka Wikipédia Jawa, bauwarna mardika basa Jawa

The Sun Also Rises ya iku novèl abasa Inggris saka Amérika Sarékat. Novèl iki ditulis dèning Ernest Hemingway lan dibabar taun 1926. Dibabar dèning Charles Scribner’s Sons kasebut minangka salah sawijining karya agungé Ernest Hemingway, lan conto saka gaya nulis klasik sing nanging kuat. Ditulis ana ing Prancis ing tengahané taun 1920-an paraga ana ing novèl kasebut ya iku Jake Barnes, Brett Ashley, Robert Cohn, Michael Campbell, Bill Gorton, lan Pedro Romero.[1]

Ernest Miller Hemingway lair tanggal 21 Juli 1899, ing Oak Park, Illinois, Chicago. Dhèwèké lulus sekolah menengah nalika taun 1917 lan nyambut gawé dadi reporter kanggo Kansas City Star. Hemingway lelayaran menyang Éropah ing wulan Mèi 1918, dadi pelatih ambulans sukarélawan kanggo Palang Merah Italia sajroné Perang Donya I. Ing sawetara minggu, dhèwèké ngalami cédera parah ing ngarep Italia. Dhèwèké pulih ing rumah sakit Milano, ing kana dhèwèké duwé hubungan romantis karo perawat, Agnes von Kurowsky. Kedadéyan kasebut nyedhiyakaké inspirasi kanggo novèl A Farewell to Arms, sing diterbitaké ing taun 1929.[2]

The Sun Also Rises nggambaraké wong-wongan sing diarani Lost Generation, klompok lanang lan wanita sing wis diwasa nalika Perang Donya I. Konflik sing nggegirisi iki, sing diarani Perang Agung, nyetèl standar anyar kanggo pembunuhan lan maksiat ing perang. Pancèn kapercayan masarakat gumantung saka babagan nilai-nilai tradisional babagan katresnan, iman, lan tata krama. Tanpa pangertén sing iki, para anggota generasi sing berjuang lan kerja ing perang ngalami tujuan moral lan psikologis sing ora apik. Panélusuran babagan Perang Agusng mbentuk The Sun Also Rises. Sanajan karakter arang nyebutaké perang sacara langsung, nanging tetep mangaruhi para paraga anggoné pocapan lan tumindak.[2]

Tema carita[besut | besut sumber]

Rasa ora tentreme wong lanang[besut | besut sumber]

Perang Donya I meksa supaya wong lanang dadi maskulin. Ciri saka perang kasebut salah sijine ya iku babagan konteks prajurit perang kang brutal. Prajurit dipeksa nggrombol nalika mungsuh nyerang. Urip lan matine prajurit gumantung marang takdir dudu saka kewanéne prajurit nalika perang. Jake bisa ngubah budaya iki. Perang ndadèkaké kejantanané (yaiku zakar) ora ana gunané amarga cedera seka perang. Dhèwèké nggawa beban menawa dhèwèké "kurang jantan" tinimbang sadurunge. Dhèwèké ora bisa uwal saka rasa ora tentrem amarga kahanané, apa manéh kasunyatan yen Brett wis nolak dhèwèké nggawé atine Jake tambah bubrah.[3][4]

Ulah Raga[besut | besut sumber]

Ana ing The Sun Also Rises para paraga pada saingan ing babagan ulah raga kanggo entuk pakurmatan, misale Robert Cohn ya iku petinju lan Pedro Romero ya iku matador. Ing SPanyol, Jake lan Bill lunga mancing. Ulah raga nyedhiyakaké dalan kanggo Jake lan kanca-kancané kanggo metu saka apa sing dikira ora ana gunané ing sajroné urip. Ulah raga duwé aturan, lan aturan nemtokaké pemenang lan wong sing kalah, nemtokaké kaendahan lan keterampilan.

Nanging, nalika Perang Dunia I, saka ketegangan sing sèimbang antarané wong Eropa ing taun 1910-an, kanggo paraga The Sun Also Rising, saingan ulah raga nyebar saka arena menyang dalan-dalan ing Pamplona, ​​menyang bar lan kafe. Panganiaya sing kudu dikendhaleni dadi ancaman. Wong lanang dipateni karo bantheng ing njaba pagelarané Pedro Romero. Aturan, taktik, lan kamenangan awujud hinaan utawa babras dadi "gerakan" kanggo ngebutaké kekuwatan sosial. Nalika Robert Cohn ing Princeton, dhèwèké ora gelem nglawan sapa wae ing njaba ring. Dhèwèké melu aturan olahraga lan pakurmatan. Nanging nalika Robert nduwé obsesi karo Brett, dhèwèké wiwit nglanggar aturan kasebut.[5]

Aleran[besut | besut sumber]

The Sun Also RIses nyritakaké babagan Jake Barnes, minangka narator, dhèwèké nggambaraké kancané, Robert Cohn. Cohn, kaya déné Jake, yaiku ekspatriat Amérika sing manggon ing Paris, sanajan ora kaya Jake melu perang ing Perang Donya I. Dhèwèké dadi penulis Yahudi sing nembe nerbitaké novèl lan dadi juara tinju sajroné kuliah ing Princeton. Cohn urip karo wong wadon sing jenenge Frances Clyne, sing asline nggunakaké dhèwèké kanggo dhuwit, nanging saiki mbasan luwih tuwa dhèwèké kepinin rabi karo Cohn. Sawise maca buku-buku romantis Cohn nggawé kesimpulan manawa dhèwèké mung mbuwang urip, lan ana ing sawijining dina dhèwèké nemoni Jake, sing dadi wartawan, kanggo ngajak dolan menyang Amérika Kidul. Nanging, Jake nolak.

Ing wayah wengi, nalika metu karo Cohn lan kanca liyané, Jake weruh Lady Brett Ashley banjur lumaku menyang Brett. Brett minangka sawijining wong wadon independen sing bakal pegatan karo wong lanang Inggris sing dadi sukarelawan sajroné perang lan mbantu ngobati Jake saka tatu perang sing ditampa. Nalika Brett nambani Jake, Brett dadi tresna marang Jake. Brett ngaku karo Jake yen dhèwèké sengsara lan isih tresna marang dhèwèké, kaya dhèwèké tresna. Nanging, dhèwèké ora nate ujar kanthi jelas, obrolan kasebut nuduhake yen cederané Jake ndadèkaké dhèwèké ora lanang, mula dhèwèké ora bisa bebarengan.

Ing dina sabanjure, Jake lan Cohn nedha awan. Cohn nyebutaké Brett, lan dhèwèké nesu nalika Jake ngandhani manawa Brett ngrencanakaké nikah karo Mike Campbell, vèteran perang saka Sekotlan. Ing wengi iku, Jake dumadakan mara ing apartemèné Count Mippipopolous, ekspatriat Yunani sing sugih. Jake diandani Brett yen dhèwèké bakal lunga menyang San Sebastian, ing Spanyol.

Sawetara minggu sabanjure, Bill Gorton, kancané Jake, teka ing Paris. Dhèwèké ngrancang arep mancing ing Spanyol lan banjur menyang pesta lan ndeleng pertandingan matador ing Pamplona. Dhèwèké mbarengi Cohn ing ndalan.. Sore iku, Jake lumaku menyang Brett, sing wis bali saka San Sebastian lan lagi lumaku karo Mike, calon bojoné.. Mike lan Brett uga pengin teka ing Pamplona. Brett kanthi pribadi takon marang Jake apa Cohn uga wis teka, mbabaraké yen dhèwèké sejatine ketemu Cohn ing San Sebastian. Ing Pamplona, ​​romobongan mau nginep ing hotel sing diduwéni dèning Montoya, yaiku wong sing seneng marang adu bantheng lan ngajeni tresnané Jake kanggo olahraga kasebut. Jake, Bill, Cohn, Mike, lan Brett kabèh padha ketemu. Wong-wong mau padha weruh bantheng-bantheng ing kana.

Sawise sawetara dina luwih nyiyapake, pesta kasebut diwiwiti. Kutha Pamplona diiringi karo tari-tarian lan ombe-ombenan. Sorotan dina kapisan ya iku adu banteng pisanan, ing endi Pedro Romero, matador sing umur 19 taun, tampil ing kana. Sawetara dina, Jake lan kanca-kanca ana ing hotel. Brett mbujuk Jake supaya ngenalake dhèwèké marang Romero. Jake sarujuk bakal nulungi. Jake, Brett, lan Romero banjur lunga bebarengan. Esuke, wong telu sing isih nang kana nyewa mobil lan lunga saka Spanyol menyang Bayonne banjur misah. Jake bali menyang Spanyol kanggo lunga menyang San Sebastian, ing kana dhèwèké ngrencanakaké bakal ngentekaké sawetara dina sing tenang lan sante. Dhèwèké nampa telegram saka Brett, njaluk supaya dhèwèké teka ing Madrid. Dhèwèké sarujuk. Jake nemoni Brett dhewekan ing kamar hotel Madrid. Brett wis pisah karo Romero, wedi yen Brett bakal ngrusak awake Romero lan karire. Brett ujar manawa saiki dhèwèké kepengin bali menyang Mike. Jake lunga saka Madrid. Nalika numpak taksi liwat ibukutha Spanyol, Brett getun, dhèwèké mikir menawa dhèwèké lan Jake bisa duwé wektu sing apik bebabrengan.[6][7][8]

Paraga[besut | besut sumber]

Jake Barnes - Narator lan paraga protagonis saka novèl kasebut. Jake minangka vèteran saka Amérika nalika Perang Dunia I sing kerja dadi wartawan ing Paris.

Lady Brett Ashley - wong wadon Inggris sing seneng ngombe.

Robert Cohn - Penulis Amérika sing sugih saka Paris.

Bill Gorton - Kaya déné Jake, dhèwèké uga vèteran.

Mike Campbell - vèteran perang Skotlandia bangkrut.

Pedro Romero - Matador sing umure 19 taun.

Montoya - Pamilik panginepan ing Pamplona lan ahli matador.

Frances Clyne - Pacare Cohn nalika wiwitan novèl.

Count Mippipopolous - Wong Yunani sing sugih vèteran.

Wilson-Harris - vèteran perang Inggris.

Georgette - Wong wadon sing ayu nanging rada kendel sing dipilih Jake diajak mangan.

Belmonte - Matador sing berjuang ing dina sing padha karo Pedro Romero.

Harvey Stoné - Tukang judi sing ora duwé dhuwit.

Adhaptasi[besut | besut sumber]

The Sun Also Rises diadhaptasi dadi filem ing taun 1957. Filem iki disutradarani dèning Henry King lan ditulis dèning Peter Viertel. Déné paraga ing filem kasebut ya iku Tyroné Power minangka Jake Barnes, Ava Gardner minangka Lady Brett Ashley, lan Errol Flynn minangka Mike Campbell.[9] Kanggo wektu iki, The Sun Also Rises minangka adaptasi sing mantep lan setya saka novèl. The Sun Also Rises ngenani beaya $ 5 yuta. Versi liyané saka The Sun Also Rises uga diprodhuksi kanggo televisi ing taun 1984.[10]

Rujukan[besut | besut sumber]

  1. ↑ "The Sun Also Rises". www.goodreads.com. Dibukak ing 2020-01-18.
  2. ↑ a b "SparkNotes: The Sun Also Rises: Context". www.sparknotes.com (ing basa Inggris). Dibukak ing 2020-01-24.
  3. ↑ "SparkNotes: The Sun Also Rises: Themes". www.sparknotes.com (ing basa Inggris). Dibukak ing 2020-01-21.
  4. ↑ "LitCharts". LitCharts (ing basa Inggris). Dibukak ing 2020-01-21.
  5. ↑ "LitCharts". LitCharts (ing basa Inggris). Dibukak ing 2020-01-24.
  6. ↑ "SparkNotes: The Sun Also Rises: Plot Overview". www.sparknotes.com (ing basa Inggris). Dibukak ing 2020-01-21.
  7. ↑ "The Sun Also Rises | Summary, Characters, Analysis, & Facts". Encyclopedia Britannica (ing basa Inggris). Dibukak ing 2020-01-21.
  8. ↑ Hemingway, Ernest. (2013). Sun also rises. [Place of publication not identified]: Important Books. ISBN 80-87888-15-4. OCLC 923285941.
  9. ↑ The Sun Also Rises, dibukak ing 2020-01-24
  10. ↑ The Sun Also Rises (1957) (ing basa Inggris), dibukak ing 2020-01-24
Dijupuk saka "https://jv.wikipedia.org/w/index.php?title=The_Sun_Also_Rises&oldid=1624050"