Taufik Hidayat

Saka Wikipédia Jawa, bauwarna bébas abasa Jawa
Taufik Hidayat
Badminton-taufik hidayat.jpg
Informasi Pribadi
Jeneng jangkep Taufik Hidayat
Tanggal lair (1981-08-10) Agustus 10, 1981 (umur 36)
Papan lair Bandung, Jawa Kulon, Indonésia
Dhuwur 1,76 m
Bobot 64 kg
Tunggal putra
Negara  Indonésia
Tangan sing dipigunaaké Tengen
Palatih Mulyo Handoyo
Ranking paling dhuwur 1 (1998)
Ranking saiki 7 (10 Januari 2008)
Profil BWF

Taufik Hidayat (lair 10 Agustus 1981 ing Bandung, Jawa Kulon) iku pamain badminton tunggal putra saka Indonésia sing asalé saka klub SGS Elektrik Bandung.

Putra pasangan Aris Haris lan Enok Dartilah iki peraih medali emas kanggo Indonésia ing Olimpiade Athena 2004 kanthi ngalahaké Seung Mo Shon saka Koréa Kidul ing babak final. Tanggal 21 Agustus 2005, Taufik dadi juwara donya kanthi ngalahaké pamain peringkat 1 donya, Lin Dan ing babak final, saéngga dadi pamain tunggal putra pisanan sing duwé gelar Kajuwaraan Donya Badminton lan Olimpiade ing sajeroning wektu sing bebarengan. Saliyané iku, Taufik uga nyekel gelar juwara tunggal putra Asian Games (2002, 2006).

Kajaba iku, Taufik wis kaping enem njuwarani Indonésia Tarbuka: 1999, 2000, 2002, 2003, 2004, dan 2006.

Pengalaman liyané ya iku ing Piala Thomas (2000, 2002, 2004, 2006 lan 2008) sarta Piala Sudirman (1999, 2001, 2003 lan 2005).

Pranala njaba[besut | besut sumber]