Taman Pintar
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Taman Pintar Yogyakarta punika wahana wisata ingkang wonten ing punjer kutha Yogyakarta mliginipun wonten margi Panembahan Senapati No. 1-3, Yogyakarta. Inggih punika papan pariwisata énggal kanggé laré-laré minangka wahana èksprèsi, aprésiasi, lan kréasi kanthi suwasana ingkang ngremenaken. Amargi Taman Pintar punika gadhah sesanti mencerdaskan dan menyenangkan.
Taman Pintar punika dipunyasa wonten ing taun 2003, lan gadhah gegayuhan bilih papan punika kanggé ngembangaken minat laré saha génerasi enèm dhumateng sains kanthi imajinasi, uji coba, lan dolanan.
Taman Pintar punika ugi gadhah gegayuhan badhé mujudaken salah satunggaling ajaran saking Ki Hajar Dewantara inggih punika: Nitèni, Nirokaké, lan nambahi.
Zonasi Taman Pintar
[besut | besut sumber]- Playground inggih punika papan kanggé publik (umum) kanthi tlatah kanggé atur sapala lan dolanan kanggé para rawuh. Wonten ing papan punika wonten wahana kanggé dolanan para laré kados ta: pipa bercarita, parabola berbisik, Rumah Pohon, Air Menari, Koridor Air, Desaku Permai, Spektrum Warna Dinding Berdendang, 'Sistem Katrol', Kreteg Goyang, Jungkat-jungkit, 'Pura Pasir, Engklek, lan Forum Batu.
- Gedung Heritage: papan punika kanggé Wiyata Anak Usia Dini ((PAUD)) inggih punika laré pra-sekolah dumugi TK.
- Gedung oval: Gedung punika wonten 3 lantai inggih punika kapisan zona kanggé njangkepi Taman Pintar antawisipun ruwang kanggé pameran, ruwang audiovisual, Radio Anak Jogja, food court utawi papan kanggé dedhaharan, lan punjer souvenir (olèh-olèh). salajengipun lantai kalih punika zona materi dhasar lan penerapan iptek inggih punika Indonesiaku, tèknologi populèr, tèknologi canggih, lan pabukon. Bilih lantai tiga punika wonten laboratorium sains, animasi lan TV, saha courses class [1].
Sajarah Taman Pintar
[besut | besut sumber]Awit saking kadadéan pangembangan sains ingkang ageng nalika taun 90-an mliginipun babagan tekonologi Informasi, Pamaréntah Kutha Ngayogyakarta paring ide babagan yasa Taman Pintar. Dipusebut Taman Pintar amagi wonten ing papan punika para siswa saking pra sekolah dumugi SMA saged nambah wawasan babagan materi-materi wulangan ingkang sampun katampi wonten ing bangku sekolah saha rekreasi.
Yasan Taman Pintar punika wonten ing eks kawasan Shoping Center kanthi tetimbangan tetep wontening gegayutan antawisipun Taman Pintar kaliyan fungsi lan kagiyatan yasan ingkang wonten ing sakiwa tengenipun kados Taman Budaya Yogyakarta, Benteng Vredeburg, Socitiet Militer, lan Gedung Agung [2].