Snoopy

Saka Wikipédia Jawa, bauwarna mardika basa Jawa
Jump to navigation Jump to search
Snoopy
Tokoh Peanuts
Jinis lanang/wadon Lanang
Jeneg kulawarga Kakak/adik: Spike, Andy, Olaf
4 girik liyané
dhuweké: Charlie Brown
Pangisi suwara Bill Melendez
Pangisi suwara liya Robert Towers,

Cam Clarke (ning panggung)

Ambal Warsa 28 Agustus

Snoopy ya iku tokoh fiksi kang wujud asu jinis beagle kang diingoni Charlie Brown ing strip komik Peanuts kang digawé Charles M. Schulz.[1] Nalika rong taun sawisé tokoh Snoopy dikenal, tokoh Snoopy mung digambaraké dadi asu biyasa, nanging sangsaya suwé Snoopy dadi karakter kang bisa ngomong.[1]Balon teks Snoopy isiné babagan apa kang dipikiraké snoopy, saéngga Snoopy bisa ngomong.[1]

Asu kang diingoni Schulz nalika isih cilik, Snooky lan Spike didadékaké modhél kanggo tokoh Snoopy.[1] Produser animasi Bill Melendez ngisi swara Snoopy lan uga Woodstock ing filem animasi kang digawé kanggo acara spesial ing tivi wiwit taun 1965 nganti 2006.[1]

Sajarah[besut | besut sumber]

Snoopy sepisanan digawe tanggal 4 Oktober 1950 (dina kaping 3 nalika digawene strip komik Peanuts kang sepisanan).[2] Nanging Snoopy lagi diwénéhi keneng nalika tanggal 10 November ya iku ing sasi mburine.[2] Snoopy wiwitané arep diwénéhi jeneng "Sniffy" [3] Jeneng Sniffy wis dianggo ing strip komik liyané.[3] Ing filem animasi, babagan kang dipikiraké Snoopy uga ora diterangaké nganggo omongan utawa tembung-tembung, nanging nganggo obahan lan èksprèsi kaya déné pantomim.[2] Film mirunggan You're a Good Man, Charlie Brown and Snoopy!!! The Musical kalebu filem mirunggan awit ing filem iki Snoopy bisa ngomong. Nalika iku kang ngisi swara ya iku Robert Towers lan Cam Clarke.[2]

Identitas Snoopy minangka kirik beagle kang sepisanan dicithak ing strip komik nalika tanggal 5 Dhésèmber 1960.[2] Nalika iku digambaraké Snoopy lagi turu.[2] Saka gambar-gambar Snoopy kang paling dikenal ya iku gambar Snoopy lagi ngalamun dadi penulis.[2]

Cathetan suku[besut | besut sumber]

  1. a b c d e Moliterni, Claude. 2003. Snoopy, Charlie Brown et les autres: L'album de famille de Schulz. ISBN=978-27-3242-681-5. Dipunundhuh tanggal 8 Juli 2011
  2. a b c d e f g Teks lengkap novel karya Snoopy It Was a Dark and Stormy Night(dipunundhuh tanggal 8 Juli 2011)
  3. a b Moliterni, Claude. 1975. Peanuts Jubilee: My Life and Art With Charlie Brown and Others. Henry Holt & Co. Page 20. ISBN=0-0301-5081-7