Sepur Parahyangan

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Sepur Argo Parahyangan
Parahyangan Executive Class.JPG
Sakjenroning gerbong sepur Parahyangan
Surasa
GolonganEksekutip lan bisnis Argo
PranataSepur Argo
DrajadBeroperasi
PapanDaop II Bandung
Tasiyun terminusStasiun Bandung
Stasiun Gambir
Stasiun Jakarta Kota
Cacahing tasiyun6
Jaluring playanan1
Panumpak bedinan19-30
Angkaning sepur213-214
Palakon
Dibukak31 Juli 1971
PanduwéPT Kereta Api Indonesia
PalakuDaerah Operasi II Bandung
DèpotBandung (BD)
LokomotifCC206
Tèhnis
Jarak nempuh170 km
Ambaning sepur1.067 mm
Karikatan palakon40 ngantos 90 km/jam

250px|thumb| Sepur Parahyangan sadurungé dadi Argo Parahyangan Sepur Parahyangan inggih punika sepur klas bisnis lan eksekutip ingkang dipunopèrasiakén PT Kereta Api Indonesia (Persero) ing Jawi ing warsa 1971-2010 jurusan Bandung (BD)-Jakarta (GMR), tindak lan kondur.

Sepur Parahyangan wiwit operasi tanggal 31 Juli 1971 lan dipuntutup ing tanggal 26 April 2010. Wiwit tanggal 27 April 2010, operasional KA Parahyangan sami-sami Sepur Argo Gede dipundadosaken satunggal kanthi jeneng Sepur Argo Parahyangan

Sajarah[besut | besut sumber]

Ing abad kaping 19, Bandung taksih wujud désa kang tebih ing pedalaman Tatar Sunda Parahyangan. Nanging kawasan punika ngasilaken kina lan teh. Margi kang tumuju Bandung ingkang menggak-menggok, punika sisah dipuntempuh. Nanging, kaliyan dipunwiwiti pembangunan ril sepur ing Semarang ing 10 Agustus 1867, pramila ril sepur Batavia-Parahyangan punika dipunyasa, ya iku ing 16 Mèi 1884.

Ril sepur Jakarta-Bandung dados favorit warga Walandi amargi hawa ingkang adhem lan pemandhangane apik. Saking kitha persinggahan, Bandung dados kitha tujuwan pariwisata saéngga kathah dipunyasa panggènan tinggal. Sepur ing laladan punika saged ngangkud para noni, tuan, mevrouw, lan meneer, lan ngginakaken lokomotip uwab C28 ingkang wonten ing punika dados lokomotip kang banteripun ngantos 90 km/jam.

Pamaréntah kolonial ngoperasiaken sepur Vlugge Vier, inggih punika sepur ekspres Jakarta-Bandung lan sajatosipun elit ing jaman punika. Vlugge Vier sekelas kaliyan Eendaagsche Express. Manawi Vlugge Vier lajeng dados Sepur Parahijangan lan lajeng Sepur Parahyangan, Eendaagshce Express dados KA Bima. Jeneng Sepur Parahijangan dipunowah dados Sepur Parahyangan ing wiwit 1970-an.[1]

Layanan[besut | besut sumber]

Sepur punika nyediakaken layanan klas eksekutip ingkang gadhah pendhingin udara lan klas bisnis kang tanpa pendhingin ruangan. Frekuwensi operasional sepur Parahyangan ing wekdal jayanipun naté gayuh 20 kali ing dinten biyasa lan 30 kali ing pungkasan pekan lan libur. Perjalanan Jakarta tumuju Bandung sepanjang ± 173 km kang ngliwati alam pagunungan Priangan sisih kulon dipuntempuh sepur punika kaliyan wekdal rerata 3 jam.

Mandheg ing operasi[besut | besut sumber]

Warsa 1995, PT Kereta Api ngluncuraken sepur Argo Gede kanthi jurusan Jakarta-Bandung. Sepur punika dados sepur eksekutip andalan PT KA. Mila KA Parahyangan pun wiwit kembang kempis.[2] Sedasa warsa salajengipun, Tol Cipularang sampun operasi lan tingkat okupansi KA Parahyangan mudhun. PT KA sampun nyobi maringi tarip reduksi, nanging kasilipun okupansi penumpang taksih cendhak, ing ngandhaping 50 persèn. Cendhakipun okupansi sepur Parahyangan punika kalampahan saé kanggé pambrangkatan Bandung utawi Jakarta. Sepur punika namung jangkep ing akir pekan mawon. Ing koridor jarak cendhak Bandung-Jakarta punika wekdal tempuh langkung lami manawi Tol Cipularang, meski ing jam-jam puncak tartamtu wekdal tempuh sepur taksih unggul.[3] Data kang énggal saking PT KA, sepur Parahyangan sampun tuna Rp 36 miliar sakwarsa amargi okupansi kang mudhun ngantos 50 persèn.[4]

Ing tanggal 27 April 2010, punika langkung kirang 39 taun nglayani koridor Bandung lan Jakarta, sepur Parahyangan dipunandheg operasinipun. Dados gantosipun, PT KA Laladan Operasi II Bandung ngluncuraken sepur Argo Parahyangan kaliyan jumlah enem gerbong. Sepur kasebat wiwitanipun punika sepur Argo Gede ingkang dipunmodifikasi kaliyan nambah 1-2 gerbong sepur Parahyangan.[5]

Cathetan suku[besut | besut sumber]

  1. "Akhir Riwayat Kereta "Vlugge Vier"". Pradaningrum Mijarto. Warta Kota. 16 April 2010. 
  2. "Vlugge Vier, Parahijangan, dan KA Parahyangan". Pradaningrum Mijarto. Warta Kota. 22 April 2010. 
  3. "KA Parahyangan Dihapus!". luc/Ant. Warta Kota. 16 April 2010. 
  4. ""Weekend" Terakhir KA Parahyangan". -. Antara. 24 April 2010. 
  5. "Selamat Tinggal Kereta Api Parahyangan...". Gin Gin Tigin Ginulur. Okezone. 26 April 2010. 

Pranala njawi[besut | besut sumber]

Cithakan:DaftarKeretaApi


Cithakan:Kereta-stub