Sajarah perkomputeran

Saka Wikipédia Jawa, bauwarna bébas abasa Jawa

Komputer kang ana saiki iku ora luput saka tinemu mesin-mesin kanggo ngetung ing dina-dina kapungkur.[1] Ditemokakene mesin-mesin kaya abacus (sempoa), Pascaline, Arithometer, lan mesin analitik iku sing njalari anané komputer kaya saiki.[1]

Mesin Etung Sadurunge Komputer[besut | besut sumber]

Abacus[besut | besut sumber]

Abacus Cina, salah sijiné cikal bakal komputer

Abacus uga diarani sempoa ana wiwit 5000 taun kapungkur ing Asia cilik.[1] Piranti iki bisa dianggep dhasar wong nggawe komputer.[1] Abacus ndadèkaké wong bisa ngetung nagnggo wiji-wiji kang bisa digeser kang ditata ing sawijining rak.[1]

Pascaline[besut | besut sumber]

Pascaline tinemu déning Blaise Pascal (1623-1662).[1] Wujudé mesin iki ya iku kothak saka kuningan, duwé rodha puter kanggo njumlahake angka nganti 8 digit.[1] Pascaline disampurnakake déning Gottfred Wilhem von Leibniz (1646-1716), ndadèkaké piranti iki bisa kanggo ngetung ping-pingan.[1]

Arithometer[besut | besut sumber]

Nalika taun 1820, Charles Vavier Thomas de Colmar nemu arithometer.[1] Piranti iki bisa ngetung kanthi cara ping, para, lan, suda.[1]

Mesin Analitik[besut | besut sumber]

Mula bukane komputer kang satemene iku saka ditemokakene Mesin Analitik (Difference Engine) déning Charles Babbage nalika taun 1843.[1] Mesin iki diobahake nganggo tenaga uwab lan bisa nyimpen program sarta ngetung lan nyithak asile kanthi otomatis.[1] Awit saka panemune iku, Charles Babbage uga sinebut bapak komputer.[1]

Generasi Komputer[besut | besut sumber]

Komputer Generasi I[besut | besut sumber]

Komputer génerasi pisanan iki nalika taun 1940-1959. [2] Wiwitane, komputer génerasi I iku gedhene sakomah jalaran digawe nganggo pipa vakum.[1] Tabung vakum ya iku piranti elektronika kang dianggo kanggo nguatake sinyal listrik.[1] Saben komponèn gedhene sakepelan tangan, mula komputer génerasi I iki gedhé banget jaran saben komputer mbutuhake pirang-pirang komponèn.[1] Kang kalebu komputer génerasi I ya iku Z3, Mark I, Colossus, ENIAC, EDVAC, lan UNIVAC.[1]

Komputer Generasi II[besut | besut sumber]

Komputer génerasi II diwiwiti nalika taun 1959 nganti taun 1964.[1] Komputer génerasi II iku luwih cilik tinimbang komputer génerasi I jalaran wis nganggo transistor kang gedhene mung sakukurane kacang lan diode kang nggenteni saluran-saluran vakum.[1][2] Ditemokakene transistor lan diode iki mbiyantu pangrembakane komputer génerasi II dadi komputer kang luwih cilik, luwih rikat, lan luwih ngirit tinimbang komputer sadurunge.[1] 2 Saliyané iku, komputer génerasi II uga nyimpen memori nganggo cara anyar ya iku nganggo tèknologi magnetik.[1] Kang kalebu komputer génerasi iki ya iku FORTRAN lan COBOL.[1]

Komputer Generasi III[besut | besut sumber]

Komputer génerasi III luwih maju tinimbang komputer génerasi II.[1] Komputer iki wis nganggo sirkuit terpadu (Integrated Circuit – IC).[1] Saliyané iku, komputer génerasi III uga nganggo sistem operasi (operating system) kang bisa ndadèkaké mesin nglakokaké program kang béda-béda kathi bebarengan lan ana program utama kang ngawasi lan ngendhalekake komputer.[1] Tuladhané komputer génerasi III ya iku Apple II, IBM PC, lan Sinclair.[2] Basa pamrograman kang wis ana nalike génerasi iki ya iku BASIC, Pascal, lan PL 1.[2]

Komputer Generasi IV[besut | besut sumber]

Para ilmuwan saya suwé saya bisa nglebokake komponèn-komponèn elektronik luwih akèh ing sajeroning chip.[1] Iki sing njalari komputer génerasi IV sansaya cilik.[1] Kang kalebu komputer iki ya iku komputer pribadi Personal Computer (PC), Intel 4004, laptop, PDA[1]

Cathetan suku[besut | besut sumber]

  1. ^ a b c d e f g h i j k l m n o p q r s t u v w x y z aa ab (id) Riana, Deny. Komputer dan Komunikasi. Duta Grafika. (kaca 7-15)
  2. ^ a b c d Komputer (dipunundhuh tanggal 7 Maret 2011)