S.M. Ardan

Syahmardan, inggih punika salah satunggaling sastrawan Indonésia, ingkang miyos wonten ing Medan, Sumatra Utara, ing tanggal 2 Fèbruari 1932, lan séda ing Jakarta, 26 November 2006). Kajawi dados sastrawan, Syahmardan utawi ingkang asring dipunsebat SM Ardan punika ugi misuwur dados salah satunggaling tokoh Betawi, penyair, cerpenis, novelis, esais, saha panyerat naskah drama. Saking astanipun, kesenian tradhisional Betawi kados ta lenong, topeng Betawi, lan sanès-sanèsipun saged bangkit amargi perjuanganipun Syahmardan.^[1] Sanajan ta boten gadhah getih asli Betawi ing badankipun, nanging wonten ing sujarah kecathet bilih Syahmardan inggih tiyang Indonesia ingkang sepisanan ngginakaken dhialèk Betawi ing karya sastra Indonesia. Lajeng nembé dipunsusul Firman Muntaco, ingkang kathah nyerat sketsa-sketsa Betawi.

Biografi

Ing tanggal 19 November 2006, SM Ardan kénging musibah kecelakaan lalu lintas ingkang njalari piyambakipun kénging pendarahan ing mustakanipun, déné sukunipun ingkang tengen tugel. Piyambakipun kedah dipunrawat ing ruang ICU RS Jakarta, dangunipun satunggal peken, ngantos séda ing dinten Minggu 26 Novèmber 2006 jam 10.18 WIB amargi sakit ing badanipun. Ing dinten Senin, 27 Novèmber 2006, Syahmardan dipunsarekaken ing TPU Karet Bivak, Jakarta Pusat. SM Ardan nilar satunggal garwa inggih punika Masfufah saha tigang putranipun.

Padamelanipun

Minangka jurnalis, Syahmardan sampun naté dados redaktur ruang kabudayan Genta ing majalah Merdeka, redaktur Trio (1958), wartawan ulah raga Suluh Indonesia, redaktur Abad Muslimin (1966), dan redaktur Citra Film (1981-1982). Langkung saking 22 taun, piyambakipun ngabdi wonten ing Sinematek Indonesia ing Pusat Perfileman H. Usmar Ismail. Piyambakipun ugi sampun naté dados anggota Dewan Kesenian Jakarta (1982-1990)

Asiling Karya

Sesarengan kaliyan ambal warsanipun SM Ardan ingkang kaping 75, SM Ardan badhé medalaken buku kempalan cerpenipun ing Taman Ismail Marzuki, Jakarta. Buku kasebat dipunsusun déning JJ Rizal,, panaliti sastra lan sujarah ing Komunitas Bambu. Buku kanthi tajuk Cerita dari sekeliling Jakarta punika ngewrat 22 carkak karyanipun SM Ardan. Kajawi punika, karya-karya sanèsipun saking SM Ardan ing antawisipun inggih kados makaten:^[2]

Terang Bulan Terang di Kali (kumpulan carkak, 1955)
Ketemu di Djalan (kumpulan sajak sesarengan kaliyan Ajip Rosidi lan Sobron Aidit, 1956)
Di Balik Dinding (skenario filem, 1956)
Nyai Dasima (novèl, 1965)
Si Pitung (skenario filem, 1970)
Si Gondrong (skenario filem, 1971)
Pendekar Sumur Tujuh (skenario filem, 1971)
Berandal-berandal Metropolitan (skenario filem, 1971)
Pembalasan Si Pitung (skenario filem, 1977)
Rahasia Wisma Mega (skenario filem, 1978)
Cerita dari Sekeliling Jakarta (kumpulan carkak, 2006)

Cathetan suku

↑ [1] Archived 2010-09-15 at the Wayback Machine. SM ARDAN: SASTRAWAN BETAWI-INDONESIA (dipunundhuh tanggal 26 januari 2013)
↑ [2] Archived 2014-08-31 at the Wayback Machine. Biografi Sahmardan (dipunundhuh tanggal 26 Januari 2013)

[internet_1-1] [1] Archived 2010-09-15 at the Wayback Machine. SM ARDAN: SASTRAWAN BETAWI-INDONESIA (dipunundhuh tanggal 26 januari 2013)

[internet_2-2] [2] Archived 2014-08-31 at the Wayback Machine. Biografi Sahmardan (dipunundhuh tanggal 26 Januari 2013)

[1]

[2]