Rosemary Joy Hendry

Rosemary Joy Hendry ya iku ahli antropologi wanita saka Birmingham, Karajan Manunggal, kalairan ing taun 1945. Pandhidhikan pawiyatan luhur olèh saka Kings College, University of London (B.Sc.) ing taun 1966. Sabanjuré ing Lady Margaret Hall, University of Oxford (B.Litt.) ing taun 1974 lan D.Phill. ing taun 1979. Panlitian lapang kang naté linakoni déning Rosemary ya iku ana ing Meksiko (taun 1972), Jepang (awit 1975 nganti 1986), Jakarta, Cina, Nepal, Uzbekistan, Fiji, Vanuatu, Singapura, lan Malaysia. Uga ing Tanzania lan Kenya (taun 2002). Karya-karya akademis kang sinerat déning Rosemary ya iku antarané Wrapping Culture: Politeness, Presentation and Power in Japan and Other Societies (taun 1993), An Anthropologist in Japan: Routledge Research Methods Series (taun 1999), Other People’s Worlds: An Introduction to Social and Cultural Anthropology (taun 1999), lan The Orient Strikes Back: A Global View of Cultural Display (taun 2000). Pakaryan kang kawentar saka Rosemary iki ya iku ing bebrayan padhésan ing Kyushu, fokus ing bab kulawarga lan mantènan.